Алсу

Алсу Ралифовна Абрамова(кэргэн тахсыан иннинэ - Сафина; төр. 1983 с.бэс ыйын 27 күнүгэр РСФСР, ССРС Татар АССР Бугульма куоракка.) - Арассыыйа ырыаһыта, телебиэриини ыытааччы, актриса. Арассыыйа Бэдэрээссийэтин үтүөлээх артыыската(2018), ТӨ үтүөлээх артыыската(2000), ТӨ норуодунай артыыската(2010), Башкортостан Өрөспүүбүлүкэтин норуодунай артыыската(2019). Алсу диэн аатынан биллэр. Эйэ туһугар ЮНЕСКО артыыһа. Москва куораттааҕы эстраднай ускуустуба диэйэтэллэрин Норуоттар икки ардыларынааҕы сойууһун чилиэнэ. Стокгольмҥа буолбут "Евровидение-2000" куонкуруска, Арассыыйа бэрэстэбиитэлэ, "Братья Олсен" датскай дуэт кэнниттэн иккис миэстэни ылбыта. Аҕата - Ралиф Рафилович Сафин, бэлиитик. Башкир. Ийэтэ - Разия Исхаковна Сафина, архитектор. Алсу икки убайдаах, биир бырааттаах. Алсу музыкальнай карьерата, 1998 с., 15 саастааҕар саҕаламмыта. Бастакы муз.хомуурунньуга "Алсу" 1999 с.тахсыбыта. 2000 с. Арассыыйа аатыттан "Евровидение" куонкуруска "Solo" диэн ырыаны английскайдыы толорон иккис миэстэни ылбыта. Ити сылга "Alsou" диэн (англ.тылынан) альбома тахсыбыта. Альбом Арассыыйаҕа, Германияҕа, Австрияҕа, Польшаҕа, Чехияҕа, Болгарияҕа, Малайзияҕа уонна Таилаҥҥа тарҕаммыта. 2002 с. "19" диэн альбому Арассыыйаҕа таһаарбыта. Альбомун өйөөрү, Алсу, Арассыыйаҕа, Казахстаҥҥа, Азербайджаҥҥа, Украинаҕа, Грузияҕа уонна Латвияҕа гастроллаабыта. Израилга, Тель-Авивка уонна Иерусалимҥа 2004 с.кэнсиэртээбитэ. 2007 с."Единая Россия" баартыйаҕа киирбитэ. 2008 с. "Самое главное" диэн альбому таһаарбыта. Ити сыл өссө биир диискэтин татаар уонна башкир тылынан "Туган Тел"(Родной Язык) таһаарбыта. 2009 с. Москваҕа буолбут "Евровидение" куонкурус, бүтэһик түһүмэҕин ыытааччы Иван Урганты кытта ыыппыта. 2009 с.режиссёр С.Дружинина "Виват Анна!" киинэтигэр фрейлина Мадлен оруолун оонньообута. 2010 с. Жасмины, Ирина Дубцованы, Татьяна Буланованы уонна Лера Кудрявцеваны кытта кыттыһан, Pampers и UNICEF "1упаковка=1вакцина" саҥа төрөөбүт оҕолор столбняк ыарыыга ыалдьалларын утары үтүө дьыала бырайыагар кыттан, "Спи моё солнышко" диэн биһик ырыатын устубуттара. 2012 с. "Фея добрых снов"альбому таһаарбыта. 2013-2014 сс."Останься", "Дочь отца", "Счастье ты мое" килииптэрэ, "Дневник мамы первоклассника" киинэҕэ саундтрек тахсыбыттара. 2015 с. "Разлюбить не в силах" килиип сүрэхтэммитэ, ол сылга "Там где нет тебя" килииби таһаарбыта. 2018 с.кулун тутар ыйга "Не молчи" саҥа ырыа,онтон муус устар 9 күнүгэр ырыа килиибэ сүрэхтэммиттэрэ. 2006 с.бизнесмен Ян Абрамовы кытта ыал буолбута. Ити сыл балаҕан ыйын 6 күнүгэр бастакы оҕото Сафина, 2008 с.муус устар 29 күнүгэр иккис кыыһын Микелены, 2016 с.атырдьах ыйын 10 күнүгэр уолун Рафаэли төрөппүтэ. https://ru.m.wikipedia.org/wiki/%D0%90%D0%BB%D1%81%D1%83 https://www.kino-teatr.ru/kino/acter/w/star/3800/bio/