Дойдулар ардыларынааҕы космос станцията
Дойдулар ардыларынааҕы космос станцията (нуучч. - Международная космоическая станция - МКС) диэн космос станцията, искусственнай спутник, дьон хас да ыйы быһа олорор кыахтаах. Бастакы модуля - Заря - 1998 сыллаахха космоска ыытыллыбыта. Бары модулляра 2011 сыллаахха хомуллубуттара. Арассыыйа, АХШ, Европа, Дьоппуон уонна Канаада бииргэ үлэлээн туппуттара. Атын дойдулар, ол курдук Бразилия, Италия уонна Кытай атын дойдулар нөҥүө үлэлиир кыахтаахтар.
1980-с сыллар саҕаланыытыгар NASA Фридом диэн ааттаах ССРС утары Салют уонна Мир космос станцияларын аналогын оҥорор былааннааҕа. Ол гынан баран былаан стадиятыттан тахсыбатаҕа. ССРС ол бириэмэҕэ эстибитэ, ол иһин Тымныы сэрии эмиэ тохтообутун кэннэ Европа, Арассыыйа, Дьоппуон уонна Канаада бэрэстэбиитэллэрин кытары АХШ NASA агенствота кэпсэтиилэри саҕалаабыта. Ону бастаан 1993 сыллаахха биллэрбиттэрэ, уонна аата Альфа диэн этэ. Ол станциятыгар Фридом тутуллуохтаах модулларын, Арассыыйаттан МИР-2 модулларын (билигин Звезда модуль аатынан биллэр), уонна Европа космос агенствотыттан Колумбус модуля холбонуохтаах диэн биллэрбиттэрэ.