Көтөр Балык (сулустар бөлөхтөрө)
Көтөр Балык (латыынныы Volans, Vol) — соҕуруу халлаан сулустарын бөлөҕө. Халлааҥҥа 141,4 квадрат кыраадыс иэннээх, 31 көстөх сулустаах. Арассыыйа территориятыттан көстүбэт.
Устуоруйата уларыт
Саҥа бөлөх. Петер Планциус 1598 сыллаахха киллэрбитэ, ол гынан баран Иоганн Байер 1603 сыллаахха киллэрбит диэн докумуон баар. Байер бэйэтин атлаһыгар Көтөр Балыгы Көмүс Балык эккирэтэр курдук киллэрбит. Кэнники атын астрономнар көтөр уруһуйдаммыт дииллэр эбит. Иоганн Кеплер бу бөлөҕү Барабыай (латыынныы Passer) диэн ааттаабыт.
Интириэһиргэтэр объектар уларыт
NGC 2442 диэн спираль халыыптаах галактика.