Сарбанньах эбэтэр Сарбынньах (лат. Sorbus, нууч. Рябина) — талах үүнээйи. Мутукчалаах эбэтэр булкаһык тыаҕа биирдиилэн үүнэр, билигин дэлэйдик дьон тэлгэһэригэр киэргэл курдук үүннэрэллэр.

Сарбанньах

Сиппит үүнээйи 4-5 м үрдүктээх буолар. Сибэккилэннэҕинэ, астаннаҕына уонна күһүн сэбирдэҕэ кытарар буолан ураты кэрэ дьүһүннээҕин иһин дьон дьиэлэрин таһыгар аҕалан үүннэрэллэр. Аһа ордук С битэмиининэн уонна микроэлеменнарынан баай. Сарбынньахха Р, В2, РР битэмииннэр, А провитамин, элбэх органическай аһыыбалар (дьаабылыка, лимон, янтарнай) бааллар. Оттон С битэмиинэ лимоннааҕар элбэх. Ол иһин эпэрээссийэ кэнниттэн үтүөрэн, чөлгө түһэргэ уонна авитаминозка олус туһалаах. Хааннарын баттаһына үрдүүр дьон манан көдьүүстээхтик туһанар кыахтаахтар. Бу айылҕа эмин туһаныы ньымата боростуой – отоннорун куҥҥэ үстэ аһыаҥ чаас аҥаарын иннинэ ытыскынан баһын ылан сиигин.

Күһүн хойут, үчүгэйдик сиппитин кэннэ, элбэҕи хомуйан, салапаан мөһөөччүккэ уган, эһиилгэ дьылга тиийэр гына холодильникка, морозильникка хаһаанар сөп. Оччоҕуна сарбынньах туһалаах бэссэстибэлэрэ бары оннуларынан хаалаллар.