Үрүҥ сар

Үрүҥ сар (лат. Buteo lagopus, нууч. сарыч эбэтэр нууч. зимняк) — сардар биистэрин уустарыгар киирэр тыҥырахтаах көтөр. Этин-сиинин уһуна 51-61 см, ыйааһына 800-1300 г. Сар элиэҕэ майгынныыр гынан баран өрөҕөтүн түүтэ сырдык. Атаҕа тарбахтарыгар дылы түүнэн бүрүллүбүт.

Buteo lagopus

Тарҕаныыта

Бөлөх саамай хотугу көрүҥэ, Евразия уонна Хотугу Америкаҕа полюс тула үөскүүр.

Туундараҕа уонна ойуурдаах туундараҕа олохсуйар. Чыҥырыкаанынан (кырса кутуйаҕынан, лемминг) уонна атын бытархай кыылларынан уонна көтөрдөрүнэн аһылыктанар. Соҕуруу Европаҕа, Орто уонна Киин Азияҕа, АХШ соҕуруу өттүгэр кыстыыр. Элбэх көтөр Украинаҕа кыстыыра биллэр.

Өссө маны көр

• Мохсоҕоллуҥулар
• Кыырт
• Элиэ
• Боруллуо
• Хара тойон
• Умсан