Күннүк Уурастыырап: Барыллар ыккардыларынааҕы ураты

 

1907 сыллаахха ыам ыйын 9 күнүгэр [[Амма улууһа|Амма улууһугар]] төрөөбүтэ. 1942 сыллаахха Саха сиринэээҕи пединститут тыл уонна литератуура факультетын бүтэрбитэ. "[[Кыым, хаһыат|Кыым]]", "Эдэр большевик", "Бэлэм буол" эрэдээксийэлэригэр үлэлээбитэ, Дьокуускайдааҕы кинигэ кыһатыгар эрэдээктэрдээбитэ, Радиокомитекка музыкальнай драматическай биэриилэр сүрүннүүр эрэрдээктэрдэринэн үлэлээбитэ, Хотугу сулус альманах сүрүннүүр эрэдээктэрэ буола сылдьыбыта, Саха суруйааччыларын сойууһун солбуйар бэрэссэдээтэлэ.

 

1925 сылтан суруйан барбыта. 1932 сыллаахха "Уһуктубут кыраайга" кинигэтэ тахсыбыта. Манна киирбит хоһооннорун сорҕото уостан түспэт ыралара буолбуттара. [[1938]] сылтан ССРС сурйааччыларын сойууһун чилиэнэ.

 

Талааннаах тылбаасчыт быһыытынан А. Пушкин, Т. Шевченко, Джамбул Джабаев, Микола Бажан, А. Сурков, Лебедев-Кумач уонна да атын омук суруйааччыларын айымньыларын сахалыы саҥардыбыта.

 

Литератуураҕа үлэтин общественнай үлэни кытта дьүөрэлиирэ. Хаста да Дьокуускайдааҕы ССКП горкомун чилиэнинэн талыллыбыта. Өр кэмҥэ Саха сиринээҕи Эйэ көмүскэлин кэмитиэтин салайбыта. Үлэ Кыһыл Знамята, Норуоттар Доҕордоһууларын, "Ытык Бэлиэтэ" уордьаннарынан уонна мэтээллэринэн наҕараадаламмыта. Кини аатын Амма улууһугар Эмис орто оскуолата ааттаммыта, дойдутугар дьиэ-музей аһыллыбыта.