Тобуроков Николай Николаевич: Барыллар ыккардыларынааҕы ураты

[[Үөһээ Бүлүү улууһа|Үөһээ Бүлүү улууһун]] [[Ороһу]] нэһилиэгэр [[1934]] сыллаахха [[кулун тутар 1]] күнүгэр төрөөбүт. Дьэбдьэкиэй уонна Ньукулай Тобуруокаптар сэттис оҕолоро, кыра уоллара. 1940 сыллаахха бастакы кылааска киирбит. 1947 сыллаахха Үөһээ Бүлүү [[Нам (Үөһээ Бүлүү)|Намын]] сэттэ кылаастаах оскуолатын бүтэрбит уонна [[Бүлүүтээҕи педагогика училищета|Бүлүүтээҕи педучилищеҕа]] киирбит. 1951 сыллаахха туйгуннук үөрэнэн бүтэрбит. 17 саастааҕар [[Абый улууһа|Абыйга]] учууталлыы барбыт, [[Мугурдаах]] сэттэ кылаастаах оскуолатыгар үлэлээбит. Икки сыл буолан баран [[Кириэс Мойуор]] начаалынай оскуолатыгар сэбиэдиссэйинэн анаммыт.

1960-1964 сс. аспираан, [[Тыл, литератуура уонна устуоруйа институута|Тыл, литератуура уонна устуоруйа институутун]] научнай үлэһитэ.

[[Эрилик Эристиин]] айар үлэтин үөрэппитэ. 1965 с. "Эрилик Эристиин. Олоҕо уонна айар үлэтэ" диэн тиэмэҕэ кандидаат диссертациятын көмүскээбит. 1987 с. "Түүр тыллаах Сибиир омуктарыгар сэбиэскэй поэзия сайдыыта" диэн дуоктар диссертациятын көмүскээбитэ.

1992 с.сыллаахха [[Эрилик Эристиин аатынан литератуураҕа бириэмийэ]] лауреата буолбута.

1996 с.сылтан Саха Өрөспүүбүлүкэтин наукатын үтүөлээх диэйэтэлэ.