Корнилов Федор Григорьевич: Барыллар ыккардыларынааҕы ураты

'''Корнилов Федор Григорьевич''' (1879 — 1939) - бастакы саха идэтийбит музыкааннарыттан биирдэстэрэ, самодеятельнай композитор, хормейстер, саха норуотун музыкатын чинчийээччи, педагог.

[[1879]] сыл олунньу 25 күнүгэр Өлүөхүмэҕэ [[Бастакы Ньөрүктээйи]] нэһилиэгэр Кудай диэн сиргэ<ref>Энциклопедия культуры и искусства Якутии. Бастакы кинигэ. Бичик, Дьокуускай, 2011</ref> төрөөбүтэ. Таҥара дьиэтин оскуолатыгар 4 сыл үөрэммитэ, онтон духуобунай училищены уонна семинарияны бүтэрбитэ. Балалайкаҕа уонна скрипкаҕа уһулуччу үчүгэйдик оонньуура. 1902 сыллаахха 23 сааһыгар [[Кыыллаах|Кыыллаахха]] көспүтэ, учууталлаабыта. Онно АлександрАлександра Грязнухина диэн огдообо дьахтары ойох ылбыта.

1918 сыллаахха дьиэ кэргэнин кытта [[Дьокуускай|Дьокуускайга]] көһөр. Манна хуор тэрийиитинэн дьарыктанар, норуот матыыптарын хомуйар. Ол сылдьан бэйэтэ эмиэ ыраалары айар. "[[Чолбон (сурунаал)|Чолбон]]" сурунаалга 1926-27 сс. хас да ыстатыйаны бэчээттэппитэ.

1934 сыллаахха [[Москуба|Москубаҕа]] ыыталлар, онно Наркомпрос сорудаҕынан бэйэтэ хомуйбут ыраларын хомуурунньугун таһаартарар. Араас омуктар ([[татаардар]], [[хакаастар]], [[сахалар]] уо.д.а.) 239 мелодиялара киирбит хомуурунньуктара 1936 сыллаахха тахсыбыта<ref>Династия Корниловых. "Якутск Вечерний". Я. Рожко, сэтинньи 26, 2010</ref>.

Кини кыыһа [[Корнилова Феодора Федоровна|Феодора]] кэлин [[Венгрия]] бастакы салайааччыта буолбут [[Матьяш Ракоши]] кэргэнэ. Иккис кыыһа Любовь 1931 сыллаахха Дьокуускай педтехникумугар дошкольнай салааны олохтообута, [[Амма Аччыгыйа|Амма Аччыгыйын]] кэргэнэ. Федор Григорьевич сиэннэрэ: Ли Пахомов уһун сылларга Москубаҕа үлэлээбитэ, Плеханов аатынан норуот хаһаайыстыбатын иснтитуутун проректора этэ, Чаҕыл Мординов поэт этэ, эрдэ өлбүтэ, Муза Мординова биллиилээх учуонай, ХИФУ БГФ үлэлиир.