Үҥүү

Үҥүү - аанньар эбэтэр быраҕар сэрии сэбэ. Чэпчики үнүүлэри быраҕаллар, ыарахан үҥүүлэринэн охсуһаллар. Көннөрү үҥүүлэр уһун мас уктан уонна тимир уһуктан оҥоһуулаллар, уһугун быһыыта саамай араас буолуон син.

Чокуур сэрии сэбэ: Булт үҥүүтэ уонна быһах

Үҥүү историята

Аан бастааҥҥы киһи үҥүүтэ көннөрү мас эбит, уһугун кытаанах буоллун диэн уокка сиэтэллэр. Мезолит эпоха кэмигэр уһугун уҥуохтан эбэтэр таастан оҥорор буолбуттар. Оччолорго үҥүүлэр быраҕылларга уонна охсуһалларга араарсыбыттар.

Бастаан быраҕыллар (универсальнай) үҥүүлэр баһыйа сылдьыбыттар, кинилэри икки араастык туттуохха син буолан. Былыргы сэрииһиттэр хас да үҥүүлээх этилэр, биир үҥүүнү быраҕан баран сэрии сэбэ суох халбат гына. Сорохтор оннооҕор угун кэннитигэр быаны баайаллар эбит, оччоҕо быраҕаллыбыт үҥүүнү түргэнник тардан ылыахха сөп эбит.

Саллааттар стройга туран сэриилэспиттэрин кэнниттэн, быраҕыллар үҥүү инник сэриигэ сөп түбэспэтэ дьэҥкэ буолбут. Кини ыҋааһынын киинэ уһугун аттыгар баар буолан, стройга турар сэрииһит үҥүүнү ортотуттан тутар - онон угун кэннин аҥаара кини кэннитигэр турар кэккэлэргэ улахан мэһэй буолар эбит.

Сигэлэр

• SPEAR (O. Eng. spere, O. H. Ger. sper, mod. Ger. sp)
• Англо-Саксон үҥүүтүн уһанан оҥоруута (англ.)
• Былыргы сэрии сэбтэрэ - Үҥүүлэр (англ.)
• Викиҥнар үҥүүлэрэ (англ.)