Пирогов Николай Иванович — барыллар ыккардыларынааҕы ураты

289 баайт эбиллибит ,  10 сыл ынараа өттүгэр
көннөрүү туһунан суруллубатах
(''''Пирогов Николай Иванович''' - аатырбыт нуучча хируура, анаатом-учуона...' ыйааһыннаах саҥа сирэй оҥоһулунна)
 
Нет описания правки
'''Пирогов Николай Иванович''' - аатырбыт нуучча хируура, анаатом-учуонайа.
 
[[Москуба|Москубаҕа]] [[1810]] сыллаахха сэтинньи 13 (аныгы истиилиэн [[сэтинньи 25|25]]) күнүгэр байыаннай казначей дьиэ кэргэнигэр төрөөбүтэ. 14 саастааҕар Москуба университетыгар киирбитэ, бүтэрэн баран хас да сыл кыраныысса таһыгар үөрэммитэ. Профессор буоларыгар [[Дерпт]] (Тарту) университетыгар бэлэми барбыта.
 
Анатомияҕа киһи уорганнара, [[тымыр|тымырдара]], [[ньиэрбэ|ньиэрбэлэрэ]], [[былчыҥ|былчыҥнара]], [[уҥуох|уҥуохтара]] бэйэ-бэйэлэригэр сыһыаннара дьиҥэ хайдаҕын аан бастаан ойуулаабыт учуонай. Маны билии [[ыарыы]] организмҥа хайдах таҕанарын, сайдарын билэргэ сүрдээх туһалааҕын үрдүнэн хируурдар эппэрээһийэ кэмигэр ыарыһахха отой кыра хоромньуну аҕалалларыгар туһалаах. Кини иннинэ өлбүт киһини хайытан эрэ үөрэтэллэр этэ, оннук ньымаҕа өлүк уорганнара, ткааннара хамсаан биэрэллэр, онон топограф анатомия (наука салаата) Пирогов үлэлит бэчээттиэн иннинэ чуолкай объективнай хартыынаны өссө ыла илигэ. Ол саҕана мэдиссиинэ өссө инвазията суох (хайыппакка эрэ) ткааннары курдат көрөр ньымалара ([[рентген]], [[ультразвук]] көмөтүнэн чинчийии уо.д.а.) суоҕа.
 
Пирогов өлүгү бастаан тоҥорор, онтон чараас пластиналарга эрбиир ньыманы толкуйдаабыта. Онтон ол пластиналары үөрэтэрэ, билиҥҥи көмпүүтэр томографиятын курдук хартыыналары ылара. Онтун уруһуйдаан анал үлэ таһаарбыта.
 
Учуонай өссө сүдү өҥөтүнэн практическэй хирургияҕа кылаата буолар. Кини [[Кырыымнааҕы сэрии|Кырыымнааҕы сэриигэ]] байыаннай хируурунан сулууспалаабыта. Ол саҕана [[наркоз]] сайда илик уонна үчүгэйдик тарҕана илик буолан бааһырбыт дьон улахан эппэрээһийэ кэмигэр [[ыарыы шога|ыарыы шогуттан]] үксүн өлөллөрө. Онон киһи тыыннаах хаалара хируур төһө түргэнник туттарыттан-хаптарыттан улахан тутулуктааҕа. Пирогов атах, илии амптуациятын[[ампутация|ампутациятын]] аҕыйах сөкүүндэ иһигэр оҥорор ньымалары толкуйдаабыта.
 
Өссө биир сүдү өҥөтө - бааһырбыттары эрдэттэн наардааһыны киллэрбитэ. Чэпчэкитик бааһырбыттары, ыарахан баастаахтары уонна көмө оҥоһуллар кыахтарыттан ааспыт бааһырбыттары госпитальга кэлээттэрин кытта араартыыра. Бу ньыма сүүһүнэн дьон олоҕун быыһаабыта, аан дойду аармыйаларыгар барытыгар тарҕаммыта, билиҥҥээҥҥэ дылы байыаннай мэдиссиинэ сокуонун курдук туттуллар.
 
Пирогов Кырыым сэриитин саҕана [[гиипсэ|гиипсэни]] аан бастаан киэҥник туттубута, онто элбэх саллааты ампутацияттан быыһаабыта.
 
[[Категория:Дьоннор алпаабытынан]]
[[Категория:1810 сыллаахха төрөөбүттэр]]
[[Категория:1881 сыллаахха өлбүттэр]]