Дьуон Дьаҥылы

Дьуон Дьаҥылы - Макаров Гавриил Иванович (27.02.1914 - 06.03.1956) - поэт уонна тылбаасчыт. Аҕа дойду сэриитин кыттыылааҕа. ССРС суруйааччыларын сойууһугар 1945 с. киирбит.

Чурапчы улууһугар 1914 с. төрөөбут. 1949 с. Дьокуускайдааҕы учуутал институутун бүтэрбит. 1955 с. - М. Горькай аатынан Литературнай институуту. Орто оскуолаҕа учууталлаабыт. 1932 с. бэчээттэнэ барбыт. Бастакы хомуурунньуга "Төрөөбүт күүлэбэр" 1936 с. тахсыбыт. 1946 с. "Уйбаанчык" диэн гражданскай сэрии туһунан хоһоонунан роман бастакы чааһын таһаарбыт. Хоту дойду табаһыттарын уонна булчуттарын туһунан оһоон циклын суруйбут.

Дьуон Дьаҥылы - биир саамай биллиилээх нуучча поэзиятын тылбаасчыта. Кини А.Пушкин "Сказка о попе и его работнике Балде", М.Лермонтов "Мцыри" уонна "Узник", Н.Некрасов "Княгиня Трубецкая" айымньыларын тылбаастаабыта. Саха литератууратыгар биллэр көстүүнэн буолбута А.Пушкин "Евгений Онегин" айымньытын тылбааһа. Олоҕун бүтэһик сылларыгар А.Твардовскай "Василий Теркин" поэматын тылбааһынан дьарыктаммыта.

Библиография

1. Тереебут куулэбэр. Хоhоннор. - Якутскай, 1936;

2. Хоhооннор. - Якутскай, 1940;

3. Кыайдыбыт. - Якутскай, 1946;

4. Хоhооннор, поэмалар. - Якутскай, 1958;

5. Сахам сиригэр саас иhэр. Хоhооннор, поэмалар. - Якутскай, 1962;

6. Хоhооннор, поэмалар. - Якутскай, 1974; 1985.

Суруйааччы туһунан

1. Тумат. Дьуон Дьанылы. - Якутскай, 1994.

Ылыллыбыт сирэ

• Большая советская энциклопедия
• Писатели Якутии
• Члены Союза писателей России и РС(Я)