Бүлүү уокуруга: Барыллар ыккардыларынааҕы ураты

'''Бүлүү уокуруга''' -— [[XIX үйэ]] иккис аҥаарыттан [[XX үйэ]] саҥатыгар дылы [[Саха уобалаһа|Саха уобалаһыгар]] баар буола сылдьыбыт биэс уокуруктартан биирдэстэрэ.

Бүлүү уокуругар [[1858]] с. 51950 саха, ону тэҥэ 9 тоҥус ууһа олорбут. Барыта 55658 киһи 941 сиргэ (урочище), 10243 балаҕаҥҥа олорбуттара. [[1897 с. биэрэпис]] түмүгүнэн уокурукка 67142 киһи олорор эбит, онтон үөрэхтээҕэ 0,8% ылар. [[1912]] с. -— 72623, 1917 с. М. П. Соколов биэрэпиһинэн 79,9 тыһ. буолбут.

Уокурук [[Дьокуускай уокуруга|Дьокуускай уокуругун]] кэнниттэн киһитин ахсаанынан, баайынан-дуолунан иккис миэстэҕэ турбута<ref>[[Алексеев Егор Егорович|Е. Е. Алексеев]]. ''Барахов Исидор Никифорович: Олоҕун уонна үлэтин туһунан очерк.'' -— Дь. Кудук, 1998 ISBN 5-7863-0125-7</ref>.

Уокуругу 1912 с. туругунан ыспараанньык Попов Николай Иннокентьевич, көмөлөһөөччүтүнүүн Кугаевскай Евгений Андреевичтыын дьаһайан олорбуттара. Үс учаастакка арахсара: бастакы учаастак земскэй сэтээтэлэ Горчаков Александр Николаевич, иккис учаастак -— Барабаш Павел Федорович, үһүс учаастак -— Николаев Михаил Александрович, сэкиритээр эбээһинэһин толорооччу Кочергин Михаил Александрович.