Кузнецов Григорий Дмитриевич: Барыллар ыккардыларынааҕы ураты

Ис хоһооно сотторолунна Ис хоһооно эбилиннэ
Ардах18 (ырытыы | суруйуу)
'Билэ:Кузнецов_Григорий_Дмитриевич.jpg|200px|thumb|right|Кузнецов Григорий Дми…' ыйааһыннаах саҥа сирэй оҥоһулунна
(уратыта суох)

19:17, 2 Ыам ыйын 2013 барыл

Кузнецов Григорий Дмитриевич (18.06.1911—06.1953) Аҕа дойду Улуу сэриитин кыттыылааҕа, Сэбиэскэй Сойуус Геройа (1944).

Кузнецов Григорий Дмитриевич

Олоҕун олуктара

1911 сыллаахха бэс ыйын 5 (бэс ыйын 18) күнүгэр Шевелёво дэриэбинэҕэ билигиҥҥинэн Нижегородскай уобалас (1998 сылга дылы — Ивановскай уобалас) Сокольскай оройуонугар бааһынай дьиэ кэргэнигэр төрөөбүтэ. Омугунан нуучча.

Оскуоланы бүтэрээт, Саха Сиригэр кэлбит. Незаметный бүһүөлэккэ (1939 сылтан — Алдан куората) көмүс хостуур рудникка үлэлээбит. 1937 сыллаахха Кыһыл Аармыйаҕа ыҥырыллыбыт. Сулууспата бүтэн, Алдаҥҥа төннүбүт.

1942 сыллаахха Алдан райвоенкоматынан Кыһыл Аармыйа кэккэтигэр ыҥырыллыбыт. 1942 сыл балаҕан ыйыттан сэриигэ кыттыбыт.

Бастакы бойобуой сүрэхтэниини Сталинград аннынааҕы кыргыһыыга ылбыт. Бааһырыы ылбыт, «За отвагу» мэтээлинэн наҕараадаламмыта.

1943 сыллаахха, сайыҥҥы кимэн киирээһин кэмигэр Кузнецов дьоһун өстөөҕү туппутун иһин иккис «За отвагу» мэтээлинэн наҕараадаламмыта.

Украинаны босхолооһун кыргыһыыларыгар хорсуннук кыргыспыта. 1944 сыл кулун тутар 3 күнүгэр взвод командира гвардия старшай сержана Григорий Кузнецов Ингулец өрүс туорааһынын Зелёное бөһүөлэк аттынан (Днепропетровскай уобалас, Криворожскай оройуон) табыгастаахтык тэрийбитэ. Разведчиктар биэрэккэ өстөөх тирэх пууннарыгар кимэн киирбиттэр, пулемету, гранатомету эспиттэр, 16 өстөөҕү суох гыммыттар. Кузнецов биир бэйэтэ пулемет расчётун эспит. Салгыы тимир суолга өстөөх эшелоннарын сырыытыгар, өстөөх бөҕөргөтүүлэригэр мэһэйдэри оҥорбуттар. Өстөөх уотун бэйэлэригэр сээбэҥнэтэн, кыһыллар роталара Зелёное диэн бөһүөлэги ылалларыгар толук буолбуттар. Кузнецов сатабыллаахтык маневрдаан ниэмэстэр иккис тирэх пууннарыгар кимэн киирбит, өстөөх 20 саллаатын уонна офицерын суох гыммыт, 6 ниэмэһи билиэн ылбыт.

ССРС Үрдүкү Сүбэтин Президиумун 1944 сыл бэс ыйын 3 күнүнээҕи Ыйааҕынан байыаннай сорудахтары көрдөрүүлээхтик толоруутун уонна өстөөхтөрү кытта кыргыһыыларга хорсун, геройдуу быһыытын иһин старшай сержант Кузнецов Григорий Дмитриевичка Сэбиэскэй Сойуус Геройун аата иҥэриллибитэ.

Герой, салгыы сэриилэһэн, Белоруссия, Польша босхолооһуннарыгар кыттыбыта. Кыайыы Күнүн Берлиҥҥа көрсүбүтэ.

Сэрии бүтэн, 1945 сыллаахха дойдутугар Ивановскай уобаласка төннүбүт. 1951 сыллаахха Донбасска көһөн, шахтаҕа үлэлээбит. 1953 сыллаахха бэс ыйыгар шахтаҕа, оһолго түбэһэн, өлбүт.

Наҕараадалара

  • Сэбиэскэй Сойуус Геройун «Кыһыл Сулус» мэтээлэ (№ 3448)
  • Ленин уордьана
  • Аҕа дойду сэриитин 2 ст. уордьана

Аатын үйэтитии

  • Герой аата Сокольское бөһүөлэккэ, Иваново куоракка өйдөбүнньүктэргэ суруллубута.
  • Герой аатынан Алдан уулуссата ааттаммыт.

Сигэлэр

Герои страны:Кузнецов Григорий Дмитриевич