Павлов Валентин Васильевич: Барыллар ыккардыларынааҕы ураты
'Билэ:Павлов_Валентин_Васильевич.jpg|200px|thumb|right|Павлов Валентин Василье…' ыйааһыннаах саҥа сирэй оҥоһулунна |
(уратыта суох)
|
21:20, 2 Ыам ыйын 2013 барыл
Павлов Валентин Васильевич (26.06.1916—24.04.1974) — Аҕа дойду Улуу сэриитин кыттыылааҕа, Сэбиэскэй Сойуус Геройа.
Олоҕун олуктара
1916 сыллаахха бэс ыйын 26 күнүгэр Самара уобалаһын Богатовскай оройуонугар Богатое сэлиэнньэҕэ бааһынай дьиэ кэргэнигэр төрөөбүтэ. Омугунан нуучча. 4 кылаас үөрэхтээх. Трактористар куурустарын бүтэрэн, төрөөбүт колхоһугар «Красный путь» тракториһынан үлэлээбитэ. Ол кэннэ уу транспорын оскуолатыгар үөрэммитэ. Волгатааҕы өрүс пароходствотыгар масленщигынан, кочегарынан, механигынан үлэлээбитэ.
1934 сылтан Дьокуускай куоракка олорбута. 1935 сыл тохсунньутугар Саха АССР НКВД-гар үлэҕэ киирбит: практикант-дактилоскопист, уголовнай розыск оперуполномоченнайа, онтон да атын сулууспаларга (паспорт, БХСС, ОВИР) үлэлээбит.
1939 сыллаахха ВКП(б)/ССКП чилиэнэ буолбут. 1940 сыл ахсынньытыгар партия обкома павлову уголовнай розыск начальнигынан бигэргэппит.
1941 сыл от ыйыгар бэйэтин тус баҕатынан Кыһыл Аармыйаҕа сулууспалыы барбыт. Сулууспатын Уһук Илиннээҕи танковай чаастаргы барбыт.
1942 сыллаахха Иркутскайдааҕы байыаннай политическай училищены бүтэрбитэ.
1942 сыл муус устарыгар эдэр офицер саҥа тэриллибит 11-с танковай корпуска комиссарынан ананан тиийбитэ. 1942 сыл сайыныгар Брянскай фроҥҥа кытаанах көмүскэнии кыргыһыыларыгар кыттыбыта.
ССРС Үрдүкү Сүбэтин Президиумун 1945 сыл кулун тутар 24 күнүнээҕи Ыйааҕынан бойобуой сорудахтары уһулуччулаахтык толорорун, көрдөрбүт хорсун, геройдуу быһыытын иһин капитан Павлов Валентин Васильевичка Сэбиэскэй Сойуус Геройун аата иҥэриллибитэ.
Сэрии кэнниттэн, 1946 сыллаахха, павлов Дьокуускайга төннөн, милицияҕа салгыы үлэлээбитэ. 1947 сыллаахха Саха АССР Үрдүкү Сүбэтин депутатынан талыллыбыта. Ол кэннэ Иваново, Барнаул, Симферополь куораттан ис дьыалаларын органнарыгар үлэлээбитэ. Олоҕун бүтэһик сылларыгар Днепропетровскай куоракка олорбута. 1974 сыллаахха муус устар 24 күнүгэр күн сириттэн барбыта. Днепропетровскай куоракка Геройдар Аллеяларыгар көмүллүбүт.
Наҕараадалара
- Сэбиэскэй Сойуус Геройун «Кыһыл Сулус» мэтээлэ (№ 5152)
- Ленин уордьана
- «Кыһыл Знамя» уордьан (11.04.1945)
- Аҕа дойду сэриитин 1 ст. уордьана (24.03.1944)
- Аҕа дойду сэриитин 2 ст. уордьана (23.07.1944, 21.08.1944)
- «Кыһыл Сулус» уордьан (31.03.1943, ????)
- АХШ Президенын Боруонса Сулуһа
Аатын үйэтитии
- Герой аатынан грузовой теплоход ааттаммыт.
- Төрөөбүт сиригэр, Богатое сэлиэнньэҕэ, Герой аатынан уулусса аааттаммыт.