Калашников Юрий Васильевич: Барыллар ыккардыларынааҕы ураты

Ис хоһооно сотторолунна Ис хоһооно эбилиннэ
Ардах18 (ырытыы | суруйуу)
'Билэ:Калашников_Юрий_Васильевич.jpg|200px|thumb|right|Калашников Юрий Василье…' ыйааһыннаах саҥа сирэй оҥоһулунна
(уратыта суох)

20:07, 5 Ыам ыйын 2013 барыл

Калашников Юрий Васильевич (30.05.1924—1992) — Аҕа дойду Улуу сэриитин кыттыылааҕа, Албан аат уордьанын толору кавалера.

Калашников Юрий Васильевич

Олоҕун олуктара

  • 1924 сыллаахха ыам ыйын 30 күнүгэр Оренбургскай уобалас Бугуруслан куоратыгар төрөөбүтэ. Омугунан нуучча.
  • 1951 сылтан ВКП(б)/ССКП чилиэнэ. Аллах-Юнь сэттэ кылаастаах оскуолатын бүтэрбитэ.
  • «Джугджурзолототранс» Уус-Аллахтааҕы аһынан хааччыйар базатыгар үлэлээбитэ.
  • 1942 сыллаахха Кыһыл Аармыйаҕа Аллах-Юнь райвоенкоматынан ыҥырыллыбыта.
  • Аҕа дойду Улуу сэриитин фронугар 1944 сыл бэс ыйыгар барбыта.

Аҕа дойду Улуу сэриитигэр

1944 сыл бэс ыйын 21 күнүгэр Свирь өрүһү Лодейное куорат (Ленинград уобалаһа) оройуонугар Мирошкиничи нэһилиэнньэлээх пуун аттынан туорааһыҥҥа, өстөөх күүстээх уотун аннынан, красноармеец Юрий Калашников, лодка старшайа буолан, өрүс үҥа кытылыгар икки стрелковай отделениены туораппыта.
1944 сыл от ыйын 3 күнүгэр өстөөх уотун көрөн туран Пучейло—Палахта (Карелия) суол муостатын миинэтин уһулан, кимэн иһэр сэбиэскэй сэриилэр хаамыыларын хааччыйбыта.
1944 сыл от ыйын 8 күнүгэр разведка кэмигэр Пюсрея—Лапши (Карелия) күөл оройоунуттан ыараханнык бааһырбыт разведчигы өстөөх уотуттан таһаарбыта.

1944 сыл от ыйын 31 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия кыһыл армееһа Калашников Юрий Васильевич Албан аат 3-с степеннээх уордьанынан (№ 133801) наҕаарадаламмыта.

1945 сыл муус устар 5 күнүгэр сержант Калашников Ю. В., Австрия киин куоратыттан Венаттан 10 км соҕуруулуу-арҕаа турар, Медлинг куораттан соҕуруу хайысхаҕа, пехота байыастарын кытта алта муостаны миинэлэртэн ыраастаабыта. Тус бэйэтэ 50-н тахса танканы эһэр миинэлэри уонна 15 атын миинэни уһулбута. Отделениетын салайан, гвардия сержана Калашников Гумпольдскирхен — Медлинг щоссеҕа алта, фугастарынан бөҕөргөтүллүбүт, баррикадалары көтүрэн, Австрия Медлинг куоратыгар биир бастакынан киирбиттэрэ.

1945 сыл муус устар 18 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия сержана Калашников Юрий Васильевич Албан аат 2-с степеннээх уордьанынан (№ 6435) наҕаарадаламмыта.

1945 сыл муус устар 6—13 күннэригэр Австрия киин куората Вена чугаһыгар гвардия сержана Юрий Калашников отделениетын кытары 197 танканы утары уонна 117 пехотаны эһэр миинэлэри, 17 фугастары куттала суох оҥорбута.
1945 сыл муус устар 11 күнүгэр Вена Донау-каналын бастакынан туораабыта, 37 пехотаны эһэр миинэлэри көтүрэн, миинэлэммит хонууга ааһар суолу хааччыйбыта.
1945 сыл муус устар 13 күнүгэр гвардия старшай сержана Калашников байыастары кытта 17 баррикада нөҥүөлээн ааһар суолу ыраастаабыта, 65 танканы утары уонна 32 пехотаны утары миинэлэри уһулбута.
Вена куоратын уулуссаларыгар буолбут кыргыһыыларга сапернай отделение командира Юрий Калашников үс өстөөх саллаатын суох гыммыта.

1945 сыл муус устар 30 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия старшай сержана Калашников Юрий Васильевич хат Албан аат 2-с степеннээх уордьанынан наҕаарадаламмыта.

ССРС Үрдүкү Сүбэтин Президиумун 1955 сыл атырдьах ыйын 19 күнүнээҕи Ыйааҕынан байыаннай сорудахтары көрдөрүүлээхтик толоруутун иһин Калашников Юрий Васильевич Албан аат бастакы степеннээх уордьанынан (№ 2610) наҕаарадаланан, Албан аат уордьанын толору кавалера буолбута.

1945 сыллаахха гвардия старшинта Калашников Аармыйаттан төннүбүтэ. Чимкент политехническай техниукумун бүтэрбитэ.
1949—1954 сс. Саха АССР Чульман бөһүөлэгэр милиция Тимптон оройуонун салаатын оперуполномоченнайынан үлэлээбитэ.
Тутуу тэрилтэлэригэр, «Дальгипрорыбпром» проектнай институтка үлэлээбитэ.
1980-с сыллардаахха Калуга куоракка олоро сылдьыбыт, ол кэннэ оҕолоругар Москваҕа көһөн олорбут.
1985 сыллаахха Кыһыл болуоссакка Кыайыы Парадыгар кыттыбыта.
1992 сыллаахха өлбүт, Москваҕа көмүллүбүт.

Наҕараадалара уонна Ытык ааттара

  • Албан аат уордьана (№ 133801, 31.07.1944)
  • Албан аат уордьана (№ 6435 , 18.04.1945)
  • Албан аат уордьана (№ 2610, 19.08.1955 )
  • Аҕа дойду сэриитин 1-кы ст. уордьана

Аатын үйэтитии

  • Москва уобалаһын Раменское куоратыгар Калашников аатынан уулусса ааттаммыт.
  • Дьокуускайга — переулок ааттаммыт.

Быһаарыылар

Сигэлэр