Васильев Семён Митрофанович

Васильев Семен Митрофанович (15.02.1917—1995) — Социалистическай Үлэ Геройа, суруналыыс, экскаваторщик.

Олоҕун олуктара

1917 сыллаахха олунньу 15 күнүгэр төрөөбүт.
1941 сыллаахха суруналыыс идэтинэн үлэлээн иһэн, Кыһыл Аармыйа кэккэтигэр ыҥырыллан, Уһук Илин сулууспалаабыт, Япония милитаристарын утары сэриигэ кыттыбыт. Сэрииттэн 1946 сыллаахха дойдуьугар төннүбүт. «Кыым» хаһыат редакциятыгаркорреспонденынан, ол кэннэ салаа сэбиэдиссэйинэн үлэлээбит.
Партия обкома туһаайыытынан Новосибирскайдааҕы партийнай оскуолаҕа үөрэммит. Ону бүтэрээт, Орто Халыма райкомун секретарынан үлэлээбит.
Түгэн көстөн Кыым хаһыат салаатыгар сэбиэдиссэйдээбит. Эдэр үлэһити редакцията, көмүсчүттэр тустарынан ыстатыйа суруйарыгар сорудахтаан, Мирнэй куоракка ыытар. Ол командировкатын түмүгэр, ыстатыйа эрэ суруйуутунан муҥурдаммакка, үлэтин тосту уларытан, производствоҕа үлэлииргэ быһаарынар. Ол курдук, 1960 сыллаахха «Мир» карьерга экскаватор машиниһын көмөлөһееччүтэ буолар. Экскаваторщиктар куурустарыгар үөрэнэр. Үлэни-хамнаһы үмүрүтэн, дьулурҕа үлэһит, боруода ылыытын 390 тыһ. куб. м тириэрдэн, таһыччы үрдүк көрдөрүүлэнэр.

Сыралаах үлэтэ сыаналанан, ССРС Үрдүкү Сүбэтин Президиумун 1964 сыл тохсунньу 24 күнүнээҕи Ыйааҕынан Семён Митрофанович Васильевка Социалистическай Үлэ Геройун аата иҥэриллибит.

Экскаваторщигынан үлэлиир сылларыгар, Кыым«» редакциятын кытта ситимин быспакка, Мирнэй куоракка коррпост салайааччытын эбээһинэһин толорбута, араас ыстатыйалары суруйбута..

Наҕараадалара уонна ытык ааттара

• Социалистическай Үлэ Геройа (1964)
• Бүлүү улууһун Ытык олохтооҕо

Өссө маны көр

Социалистическай Үлэ Геройдарын тиһигэ (Саха Сирэ)

Сигэлэр

• Официальный информационный портал Республики Саха (Якутия):Герои Социалистического Труда
• Владимир Пестерев. История Якутии в лицах. — Якутск: «Бичик», 2001.
• Герои Социалистического Труда Якутской АССР: биобиблиогр. справ. — Якутск, 1987. — С. 36—38.