Ефремов Прокопий Елисеевич: Барыллар ыккардыларынааҕы ураты

* 1963—1992 сс. — тыл, литература уонна история Институтугар олоҥхо салаатын младшай научнай үлэһитэ, научнай үлэһитэ. Бу сылларга эспэдииссийэ үлэтигэр көхтөөхтүк кыттыбыта, Саха сирин хотугу улуустарын барытын кэриэтэ кэрийбитэ: [[Анаабыр улууһа|Анаабыр]], [[Өлөөн улууһа|Өлөөн]], [[Булуҥ улууһа|Булуҥ]] оройуоннарыгар уонна [[Бүлүү (өрүс)|Бүлүү]] уонна [[Халыма (өрүс)|Халыма]] сүнньүлэригэр сытар оройуоннарга, ону таһынан [[Красноярскай кыраай]] [[Таймыыр|Таймыырдааҕы национальнай уокуругар]] сылдьыталаабыта. Таймыырга түөртэ сылдьыбыта. Ол түмүгэр «Дулгаан олоҥхото» диэн монографияны, «Дулгаан фольклора» кинигэҕэ киирбит матырыйаалы үксүн бэлэмнээн таһааттарбыта. Ону таһынан, коллегалара билэллэринэн дулгаан бастакы бэйээтэ [[Огдо Аксенова]] «Бараксан» диэн бастакы кинигэтэ 1973 с. тахсарыгар улахан көмөлөөх<ref>Дулгаан фольклора/Фольклор долган. Хомуййааччы П. Е. Ефремов. — Новосибирскай: Археология уонна этнография институутун кыһата, 2000. 27-28 сирэйдэр ISBN 5-7803-0058-5</ref>.

* 1965 сыллаахха Государственнай антирелигиознай издательство архивыгар (Москва к.) саха биир биллиилээх чинчийээччитэ, сахалар историяларын, этнографияларын уонна фольклордарын үөрэппит Г. В. Ксенофонтов үгүс сыралаах үлэтин түмүгүн — «Эллэйаданы» — булбута. 1977 сыллаахха булумньуну — [[Ксенофонтов Гаврил Васильевич|Г. В. Ксенофонтов]] көстүбүт үлэтин — Н. В. Емельяновы кытта бэлэмнээн, Москваҕа бэчээттэппит.

* [[1992 сыл]]лаахха [[тохсунньу 20]] күнүгэр олохтон туораабыт.

П. Е. Ефремов саха уонна долган фольклорун хомуйан күн сирин көрдөрбүтэ, фольклор айымньыларын нуучча тылыгар тылбаастаабыт.