Акутагава Рюноскэ: Барыллар ыккардыларынааҕы ураты

[[1913|1913 сыллаахха]] Акутагава [[Токио ]]үнүбүрсүөтүн тыл факультетын ааҥыл литературатын салаатыгар үөрэххэ киирэр. Бу үөрэнэ сылдьан доҕотторун кытта «Синситё» («Саҥа сүүрээн») диэн сурунаалы таһаарар. Бу сурунаалга «Оҕонньор» диэн бастакы кэпсээнэ тахсар ([[1914 сыл|1914]]). Кини айар үлэтэ аан маҥнайгыттан киэҥник биллибитэ. Саамай биллэр кэпсээннэрэ дьоппуон орто үйэтээҕи олоҕун туһунан: «Расёмон аана» ([[1915 сыл|1915]]), «Мурун» (1916), «Аллараа Дойду муҥа-соро» ([[1918 сыл|1918]]) уо.д.а.

Эдэр сырыттаҕына Сосэки Нацумэ уонна Огай Мори курдук Мэйдзи кэмин суруйааччылара күүскэ дьайбыттара. Ону таһынан Европа литературатыттан Мопассан, Франс, Стриндберг уонна [[Достоевскай Федор Михайлович|Достоевскай]] дьайыылара күүстээҕэ. Акутагава [[Европа]], ол иһинэн ньуучча литературатын үчүгэйдик билэрэ. «Бататовай хааһы» диэн кэпсээнин суруйарыгар [[Гоголь Николай Васильевич|Гоголь]] «Шинель» кэпсээнэ көҕүлээбитэ, «Мурун» кэпсээнин — Гоголь «Муруна», онтон «Сад» диэн кэпсээнин — [[Антон Чехов|Чехов]] «Вишнёвый сад» пьесата. «Вальдшнеп» диэн кэпсээнигэр (1921) сүрүн геройдара — ньуучча суруйааччылара [[Лев Толстой]] уонна Иван Тургенев.

[[1916 сыл|1916 сылтан]] Акутагава Байҕал механик училищетыгар [[Ааҥл тыла|ааҥыл тылын]] үөрэтэр. [[1919 сыл|1919 с.]] «Осака майнити симбун» [[Хаhыат|хаһыакка]] үлэҕэ киирэр. [[1921 сыл|1921 сыллаахха]] анал корреспондент буолан түөрт ыйга [[Кытай Дьон Өрөспүүбүлүкэтэ|Кытайга]] барар. Кытайга баран төттөрүтүн сылайан кэлэр, түүн кыайан утуйбат буолар уонна ньиэрбэтин үлэтэ кэһиллэр. Бу ыарыы ийэтиттэн бэриллибит. Ол да буоллар бу кэмҥэ кини саамай үчүгэй айымньыларын суруйар, олортон биирдэстэрэ «Иһириккэ» ([[1922 сыл|1922]]).