Охлопков Филипп Гаврильевич: Барыллар ыккардыларынааҕы ураты
Ис хоһооно сотторолунна Ис хоһооно эбилиннэ
'1936 с. Ходоро нэһилиэгэр төрөөбүтэ. Майа орто оскуолатыгар учууталы…' ыйааһыннаах саҥа сирэй оҥоһулунна |
Көннөрүү туһунан суруллубатах |
||
1 устуруока:
Биллиилээх общественнай- политическэй деятель Филипп Гаврильевич Охлопков 1936 сыллаахха бэс ыйын 15 күнүгэр Мэҥэ Хаҥлас улууһун Ходоро нэһилиэгир колхуостаах дьиэ кэргэнигэр төрөөбүтэ.
1954 сыллаахха Майа орто
1957 сыллаахха Дьокуускайдааҕы педучилищены бутэрэн учуутал-пионер баһаатай идэтин ылбыта. Уонна икки сыл Майа орто оскуолатыгар алын кылаас учууталынан, пионер баһаатайынан үлэлээбитэ.
Онтон 1959 сылтан 1961 сылга диэри комсомольскай тэрилтэ босхоломмут секретарынан, Ленин аатынан колхуоска “Ленинец” хаһыат редакторынан үлэлээбитэ. Филипп Гаврильевич үлэһит уонна киһи быһыытынан бастыҥ хаачыстыбалааҕа биллэн барбыта. Салгыы икки сыл ЫБСЛКС Мэҥэ Хаҥаластааҕы райкомун бастакы секретарынан үлэлээбитэ.
1963 – 1965 сылларга Ленин аатынан колхозка партком секретара.
1967 сыл Мэҥэ Хаҥалас райкомугар пропаганда уонна агитация отделын сэбиэдиссэйинэн үлэлээбитэ.
1970 сыллаахха үрдүкү партийнай оскуоланы бүтэрбитэ.
1972 – 1975 сылларга ССКП Мэҥэ Хаҥаластааҕы райкомун иккис секретарынан үлэлээбитэ
1973 сыллаахха тыа хаһаайыстыбатын техникумун бүтэрэн зоотехник идэтин ылбыта.
1975 сылтан 1985 сылга дылы республикатааҕы бэчээт салаатынар, “Кыым” хаһыат редакторынан үлэлээбитэ. Онтон 1988 сылга дылы ССКП Дьокуускайдааҕы обкомун пропагандаҕа уонна агитацияҕа отделын сэбиэдиссэйинэн үлэлээбитэ.
1988 сылтан 1991 сылга дылы ССКП Мэҥэ Хаҥаластааҕы райкомун бастакы секретарынан үлэлээбитэ. Бу кэмнэргэ “Ыччат- 2000” программаны оҥорон, олоххо киллэриинэн дьарыктанан дьону-сэргэни түмпүтэ. Ол чэрчитинэн оройуоҥҥа 11 таас оскуола сыбаайалара уонна акылааттара түһэриллибиттэрэ.
1991 – 1993 сылларга “Кыым” хаһыат редакторынан үлэлээбитэ.
1994 – 1996 регионнааҕы экономика Институтугар үлэлээбитэ.
1996 – 1998 сылларга “Россаха” страховой хампаанньа үлэһитэ.
Филипп Гаврильевич – Саха АССР Үрдүкү Сэбиэтин, ИЛ Түмэн депутаата. Саха Өрөспүүбүлукэтин норуотун хаһаайыстыбатын үтүөлээх үлэһитэ. Мэҥэ-Хаҥалас улууһун Бочуоттаах гражданина. Кини олохтон бэс ыйын 5 күнүгэр 2009 сыллаахха туораабыта
Филипп Гаврильевич аатын билигин Майа иккис нүөмэрдээх орто оскуолата сүгэр. Кини үлэлээбит үлэтэ, олорбут олоҕо ыччаттарга холобур буолар.
| |||