Рестораан: Барыллар ыккардыларынааҕы ураты

[[Билэ:AntoinesDiningRoom8Oct07A.jpg|thumb|270px|]]

Ресторан (латинскай тылтан restauro, восстановить, крепить) – бэлэм аһы, утаҕы атыылыыр, миэстэтигэр дьон сакааһынан аһатар сир. Кытайдар рестораннара былыр хайдах этэй да, билигин да оннук хаалбыт. Тан династиятын салайар (618-906сс) кэмигэр, номнуо рестораннар бааллара. Аан дойду үрдүнэн биир былыргы рестораннартан биирдэстэрэ Кайфынь куоракка баар « Бакит Чикен Хаус» буолар. Бу ресторан 1153 сыллаахха аһыллыбыта. Сун династиятын кэмигэр Кытай культурнай, политическай, экономическай киинэ Ханчжоуга сорох рестораннар биир суол ас көрүҥүнэн анаан дьарыктаммыттара. Арҕаа дойдуларга трактирдар уонна таверналар античность кэмиттэн биллэллэрэ. Кинилэр ааһан иһэр дьоҥҥо аналлаах тэриллибиттэрэ. Олохтоохтор биирдэ эмэ сылдьаллара. XVIII үйэҕэ эрэ дьон бэйэтин сакааһынан уонна хайдах аһы сөбүлүүрүнэн рестораннар астыыр, аһатар буолбуттара. Гиннес рекордун кинигэтигэр киллэриллибит билигин да үлэлии турар Собрино-де-Ботин (Sobrino de Botin) диэн ресторан Мадридка (Испания) 1725 сыллаахха аһыллыбыта.

 

 

Ресторан үлэтин киэҥ эйгэтэ атыттартан быдан ураты. Бу эйгэ уруккуттан олохтоммут үгэһинэн искусство көрүҥүн, улэһиттэр уопуттарын, өҥөнү оҥоруу, дьону тардар, хааччыйыы, кинилэр санааларын, баҕаларын толорор тэрилтэ буолар. Сылтан сыл ресторан үлэтин таһыма үрдээн иһэр. Дьону бэйэҕэ тардар охсуһуу үлэтэ күүскэ барар. Ол тумүгэр топ-менеджердэр саҥаттан саҥа көрүҥнэри уонна ньымалары булан сайыннараллар. Атыттартан уратыны, урут ханна да суоҕу була-көрдүү сатыыллар. Ресторан үлэтэ хайдах барыс киллэрэр, ону таһынан туох баар үлэ бэйэ-бэйэлэрин кытта ыкса сибээстэһэн сөп түбэсиһэн үлэлээтэхтэринэ эрэ сайдар кыахтаах.

 

Ресторан көдьүүстээх үлэтэ араас көрүҥнэртэн тутулуктаах. Рестораны бастаан хайдах салайар туһунан толкуйдарыттан саҕалаан бу үлэ-хамнас хайдах барарын хонтуруоллааһына саҕаланар. Манна бас билээччи эбэтэр директор хайдах барыс киллэрэр, салайар толкуйа улахан оруолу ылар. Атыыны-тутууну хайдах ыытыы, дьаһайыы, этика, мораль сыаннастара киирэллэр. Төһө кыалларынан кэлбит дьону астыннаран ыытыы, бу ресторан тэрийээччилэрин үлэлэрин түмүгэ. Рестораннай бизнес — бу урбаанньыт бэйэтин эбэтэр иэс (займ) ылбыт үбүнэн бэйэтин эппиэтигэр ылыммыт дьыалата буолар. Атыы-эргиэн барыс киллэрэр атын тэрилтэлэр курдук ресторан үлэтэ бизнес былаан, менеджмент, маркетинговай чинчийии уонна бэйэ былаанын толкуйдааһына буолар. Хайдах дьон сылдьарыттан ресторан ис туруга оҥоһуллар. Ресторан ис туругуттан кини тутула оҥоһуллар. Ресторан үлэтин хайысхата ханнык миэстэҕэ үлэлии турар сириттэн (омугуттан), нэһилиэнньэтин туругуттан учуоттанар. Бу мантан барытыттан тэрилтэ ис оҥоһуга, киэргэтиитэ, аһын арааһа учуоттанар. Ресторан ситиһиилээхтик үлэлииригэр ас хаачыстыбата, меню, үлэһиттэр, ас сыаната, менеджмент, ханна турарыттан тутулуктаах.