Эйюбоглу Эзги: Барыллар ыккардыларынааҕы ураты
«Эйюбоглу, Эзги» сирэйи тылбаастаан оҥоһуллубут |
(уратыта суох)
|
Билиҥҥи торум манна: 15:08, 29 Бэс ыйын 2020
Эзги́ Эйюбоглу́ — турок норуотун биллиилээх уонна аатырбыт артыыһа, модела. Арассыыйаҕа ордук «Великолепный век» киинэ сэрийээлигэр Айбиге хатун оруолун толорбутунан биллэр көстөр.
Биографията уларыт
Эзги Эюбоглу 1988 сыллаахха Турция өрөспүүбүлүкэтин Анкара куоратыгар күн сирин көрбүтэ. Кини Анкара куоракка баар Хаджеттепе университетын иһинэн үлэлиир Судаарыстыбаннай консерваторияны бүтэрбитэ. Онно үөрэнэ сылдьан Стамбул куоракка икки сыл устата Мимар Синан аатынан ускуустуба университетыгар классическай балет оскуолатыгар дьарыктаммыта[1], ол кэнниттэн эмиэ Хаджеттепе университетыгар иккиһин киирэн, «драмата ускуустубата» салааҕа үөрэммитэ.
Тус олоҕо уларыт
Эзги эюбоглу турок биллиилээх артыыһа Гюрбей Илерини кытта чугастык алтыһа, билсиэ сылдьыбыта. Кинилэр аана бастаан 2011 сыллаахха «Моё сердце выбрало тебя» диэн ааттаах киинэ сэрийээлигэр уһулла сылдьан билсибиттэрэ. Ол гынан баран, 2013 сыллаахха икки сыл устата билсэ, доҕордоһо сылдьан баран арахсыбыттара. Артыыстар хаһан даҕаны холбоһон ыал буолбатахтара. 2014 сыл ортотуттан саҕалаан Эзги эмиэ биллилээх артыыс, киинэ уонна тэлэбиидэнньэ сулуһа Каан Йылдырымы кытта доҕордоспута, ыкса билсэн барбыта. Кинилэр иккиэн «Имя счастья» диэн ааттаах киинэ сэрийээлигэр уһуллаллар. 2015 сыллаахха атырдьах ыйын 8 күнүгэр Каан Эзгигэ ыал буолуон, ойох таҕыс диэн этии киллэрбитэ. Кыыс онно сөбүлэспитэ уонна кинилэр ол сыл күһүнүгэр биһилэхтэммиттэр. Уруулара 2016 сыллаахха ыам ыйын 14 күнүгэр Эсма Султан дыбарыаһыгар буолбута. Ол гынан баран, 2019 сыллаахха бэс ыйын 26 күнүгэр 3 сыл устата бииргэ олорон баран сатаспакка арахсыбыттара. Эзги урукку эригэр элимиэн харчытын төлүүртэн батыммыта. Кааны туохха да күтүрээбэт, туох да диэн баалаабат.
Карьератын саҕаланыыта уларыт
Эюбоглу 2001 сыллаахха Elite Model Look диэн ааттаах моделлар норуоттар икки ардыларынааҕы куонкуруһугар финалга киирбитэ. Онтон икки сыл буолан баран «Мисс Турция» куонкуруска иккис миэстэҕэ тиксибитэ[1]. 2007 сылтан саҕалаан араас муода көрдөрүүлэригэр, ырыа килииптэригэр уһуллан барбыта.
2011 сыллаахха Эзги Эюбоглу «Великолепный век» киинэ сэрийээлин иккис сезонуттан уһуллан барбыта[2]. Кини онно сехон биир саамай тутаах оруолун — Айбиге хатуну, кырыым дьууртун хаана Сахиб-Гирей кыыһын уонна валиде-султан (Небахат Чехре) сиэн балтын оонньообута. Эюбоглу дьоруойа дьахтар Арассыыйаҕа Казан куоракка улааппыта. Кинини аҕата аймалҕаннаах олохтон күрэтэн Стамбулга ыыппыта. Кыыс Шехзаде Мустафалыын (Гүнсүр Мехмет) кытта холбоһуох буолаллар. Аны туран, кини Малкочоглу Бали Бей таптала буолар (Бурак Озчивит). Сэрийээлгэ Сулеймана.султаан кэминээҕи кэм көстөр.
Бэлиэтээһиннэр уларыт
- ↑ 1,0 1,1 Ezgi Eyüboğlu Resimleri ve Biyografisi | Televizyon Dizisi(суох сигэ — история). www.televizyondizisi.com (15 Aralık 2012). Тургутулунна 19 Бэс ыйын 2016. Төрүт сириттэн архыыптанна 17 Балаҕан ыйын 2014.
- ↑ Ezgi Eyüboğlu. www.sinematurk.com. Тургутулунна 19 Бэс ыйын 2016.
Сигэлэр уларыт
- Эзги Эюбоглу туhунан Internet Movie Database
- Официальная страница Эзги Эюбоглу в социальной сети Facebook
- Эзги Эюбоглу в «Твиттере»
- Эзги Эюбоглу на сайте КиноТурция.ру
- Эзги Эюбоглу на сайте «Вокруг ТВ»