Чакыр Дениз: Барыллар ыккардыларынааҕы ураты
«Чакыр, Дениз» сирэйи тылбаастаан оҥоһуллубут |
(уратыта суох)
|
08:48, 30 Бэс ыйын 2020 барыл
Дени́з Чакы́р (туур. Deniz Çakır; 1982 сыллаахха ахсынньы 31 күнүгэр төрөөбүтэ, Турция,Анкара) — турок норуотун тыйаатыр уонна киинэ биллиилээх артыыһа, аатырбыт, аан дойдуга киэҥник биллэр модела.
Биографията
Дениз Чакыр 1982 сыллаахха ахсынньы 31 күнүгэр Анкара куоракка төрөөбүтэ. Эмиэ Анкараҕа Хаджеттепе университетыгар судаарыстыбаннай концерваторияҕа тыйаатыр салаатыгар үөрэммитэ. Үөрэҕин кэнниттэн тыйаатырга, киинэҕэ артыыс быһыытынан үлэлээбитэ, рекламаларга уһуллар буолбута
Чакыр Дениз экраҥҥа аан бастаан «Желание женщины» диэн ааттаах киинэ сэрийээлигэр уһуллан тахсыбыта. Онно кинини сыана маастарыстыбатыгар уһуйбут, биллиилээх артыыс Джихан Унал эмиэ оонньообута. Ити кэнниттэн кини Ферхунде оруолугар «Листопад» диэн хас даҕаны сиэрийэлээх киинэҕэ оонньообут. Ол кэнниттэн кини киэҥник биллэр көстөр буолбута, аата киэҥ эйгэҕэ ааттаммыта. 2010 сыллахха ол оонньообут оруолун иһин киниэхэ Турция Исмаил Джеме аатынан тэлэбиидэнньэ бириэмийэтин биэрбиттэрэ. Ол гынан баран кини ордук «Великолепный век» сэрийээлгэ оонньообутун кэннэ аатырбыта. Дениз ол киинэҕэ I Сулейман балтын уобараһын итэҕэтиилээхтик толорбута. Үгэс курдук, ити да сырыыга кини хобу сиби тарҕатар, куһаҕаны оҥорор артыыс апмлуатын талбыта. Чакыр тыйаатыр сыанатыгар оонньообут оруолларынан эмиэ киэҥник биллэр. Ол курдук көрөөччүлэр кинини ордук Шекспир айымньытын матыыбынан турбут «Любовная лирика» испиктээккэ оонньообутун биһирээбиттэрэ.