Алтынньы 19: Барыллар ыккардыларынааҕы ураты

* [[1950]] — Баһыйар ахсааннаах [[Кытай]] аармыйата [[Тибиэт]] аармыйатын Чамдо кыргыһыытыгар кыайбыт. Сотору кэминэн Тибиэт Кытай састаабыгар киирбитэ.

* [[1956]] — [[ССРС]] уонна [[Дьоппуон]] Холбоһуктаах декларация ылыммыттар, сэрии туруга тохтотуллубут уонна дипломатическэй сыһыан сөргүтүллүбүт. Декларацияҕа этиллэринэн дойдулар ыккардыларыгар эйэ дуогабара түһэрсиллэр түгэнигэр ССРС [[Курил арыылара|Курил арыыларыттан]] иккитин, Хабомаи уонна Шикотан арыыларын, Дьоппуоҥҥа биэриэх буолбут. Эйэ дуогабара түһэрсиллэрин мэктиэтигэр Дьоппуон нейтральнай дойду буолуохтаах эбит. Ол эрэн Дьоппуон уонна [[АХШ]] ыккардыларыгар кыттыгастыы дуогабар баар буолан эйэ дуогабара түһэрсиллибэккэ хаалбыта.

* [[2001]] — Саха Өрөспүүбүлүкэтин бэрэсидьиэнэ [[Михаил Николаев]] аныгыскы бэрэсидьиэн быыбарыгар эмиэ бэйэтин туруорунарын туһунан биллэрбит. Киниэхэ бу үһүс болдьох буолуохтаах этэ даҕаны, Саха Өрөспүүбүлүкэтин конституцията ону боборо. Арассыыйа сорох субъектара губернатор үһүс болдьоххо олорорун бу саҕана көҥүллээбиттэрэ, оттон [[Ил Түмэн]] конституцияҕа итинник уларытыыны киллэрбэтэҕэ. Икки ыйынан ахсынньы 13 күнүгэр [[Михаил Николаев]] бэйэтин кандидатуратын быыбартан устубута уонна [[Вячеслав Штыров]]ка куоластыырга ыҥырбыта.