Сэтинньи 5: Барыллар ыккардыларынааҕы ураты
Ис хоһооно сотторолунна Ис хоһооно эбилиннэ
9 устуруока:
* [[1582]] — Ермак [[Сибиир]] киин куоратын Искери ылбыт. Кучум хаан утарылаһыыны салҕаары куоппут.
* [[1612]] — [[Москуба]] босхолонуута. Күрүөмүлгэ хорҕойон олорбут [[Польша]]-[[Литва]] гарнизона нуучча ополчениетыгар бэриммит. Москубаны поляктар уонна литовецтар икки сыл устата тутан олорбуттара.
* [[1732]] — Чукчалары уонна [[Чукотка тумул арыы|Чукоткаҕа]] олорор атын омуктары сэриилээбит майор [[Павлуцкай Дмитрий Иванович|Дмитрий Павлуцкай]] [[Анадырь|Анаадыртан]] [[Дьокуускай|Дьокуускайга]] төннөр. Бу барыытын устуоруктар маннык быһаараллар: Тоболлааҕы тойоно Павлуцкай олохтоохтору күүһүнэн ыраахтааҕы былааһыгар киллэрэрин боппутун, кэпсэтии эрэ түмүгэр дьаһаах хомуллуохтааҕын эппитин иһин ону быһаарса барбыт. Бу иннинэ дьаһаах төлүү сылдьар кэрээктэри Павлуцкай кыргыбытын, онтон сылтаан хааһына ночооттоммутун туһунан үҥсүү Анаандыр хамыһаара Тарабыкинтан киирбитэ биллэр.
* [[1922]] — Генерал [[Пепеляев Анатолий Николаевич|Пепеляев]] [[Ньылхан|Ньылхантан]] [[Айаан|Айааҥҥа]] кэлбит. Манна 187 доброволецтаах уонна астаах-үөллээх Вишневскай салайааччылаах хараабыл кэлиитэ Пепеляевы Дьокуускайга барар санаатын бөҕөргөппүт.
* [[1926]] — ЯЦИК бэрэстээтэлэ [[Мегежекскай Михаил Васильевич|Михаил Мегежекскэй]] уонна Совнарком бэрэстээтэлэ [[Аммосов Максим Кирович|Максим Аммосов]] [[Пекарскай Эдуард Карлович|Эдуард Пекарскайга]] тылдьытын түмүктээбитинэн эҕэрдэлээн тэлэгирээмэ охсубуттар. Онно [[Игидэй]] оскуолатын кини аатынан ааттыыр туһунан, тылдьыты таһаарыыга уонна Пекарскайга бэйэтигэр үп биэрэр туһунан быһаарыныы ылыныллыбытын биллэрбиттэр.
| |||