Сэтинньи 8: Барыллар ыккардыларынааҕы ураты

* [[1928]] — Дьокуускайга уобаластааҕы кыраайы үөрэтэр түмэлгэ хартыына саалата аһыллыбыт. Саалаҕа 106 хартыына уонна эскиз, ол иһигэр 10 [[Сибиир]] худуоһунньуктарын, 69 саха худуоһунньуктарын киэннэрэ уонна 27 Третьяковскай галерея хартыыналара көрдөрүллүбүттэр. Бу саалаттан [[Уус-уран түмэл|Саха Өрөспүүбүлүкэтин наассыйалыы уус-уран түмэлэ]] үүнэн тахсыбыта.

* [[1943]] — [[ССРС]] үрдүкү байыаннай уордьана «[[Кыайыы уордьана|Кыайыы]]» уонна эмиэ байыаннай «[[Албан аат уордьана|Албан Аат]]» уордьана олохтоммуттар.

* [[1972]] — АХШ-ка [[Home Box Office]] (HBO) төлөбүрдээх тэлэбиидэнньэ ситимэ баар буолбут.

* [[1975 сыл|1975]] — [[Рига]] рейдыгар турбут «Сторожевой» диэн байыаннай хараабылга [["Сторожевой" өрө туруута|өрө туруу]] буолбут. Валерий Саблин диэн замполит хараабыл хапытаанын хаайбыт уонна дойду салалтата [[Өктөөп өрөбөлүүссүйэтэ|Өктөөп өрөбөлүүссүйэтин]] таҥнарбытын туһунан биллэрбит, Киин тэлэбиидэнньэҕэ тахсары модьуйбут. [[Брежнев Леонид Ильич|Брежнев]] хараабылы тимирдэргэ бирикээс биэрбитэ. [[Кронштадт|Кронштадка]] ([[Швеция]] кыраныыссатыттан чугас) баран эрэр хараабылы буомбалаан тохтоппутарын кэннэ хапытаан Саблины бэстилиэтинэн атахха бааһырдан былааһы бэйэтигэр төннөрбүтэ. Саблины сууттаан баран дойдуну таҥнарыыга буруйдаан ытан өлөрбүттэрэ, киниэхэ көмөлөспүт Александр Шеин диэн мотуруоһу 8 сыл хаайыыга ыыппыттара. Атыттар дисциплинарнай миэрэҕэ тардыллыбыттара. 1994 сыллаахха дьыала хат көрүллүбүтэ, Үрдүкү суут таҥнарыыга буруйдарын устубута, ол эрээри устаабы кэһиигэ буруйдарын бигэргэппитэ, онон толору реабилитациялаабаҕа.