Хюлья́ Авша́р (туур. Hülya Avşar; 1963 сыллаахха төрөөбүт, Балыкесир, Турция) — турок норуотун биллиилээх киинэ уонна тэлэбиидэнньэ артыыһа, аатырбыт ырыаһыт, эстрада сулуһа.

Биографията уларыт

Авшар Хюлья Анкара куоракка Судаарыстыбаннай училищены үөрэнэн бүтэрбитэ уонна профессиональнайдык харбааһынан дьарыктаммыта. 1982 сыллаахха дьиэ кэргэнин кытта бииргэ Стамбул куоракка көһөн кэлбиттэр. 1983 Хюлья Авшар аан бастакытытык «Запрет» диэн киинэҕэ артыыс быһыытынан уһуллубута. Кини олоҕун устатын туоратыгар барыта олбоон 70 -тан тахса араас киинэҕэ оонньообута. Наар сүрүн оруоллары ылара. Авшар Турция маннык биллэр режиссердарыгар киинэҕэ уһуллубута: Орхан Аксой, Синан Четин, Орхан Элмас, Шериф Гёрен, Бильге Олгач, Явуз Озкан, Халит Рефиг уонна Ирфан Тёзюм. 1980 -с сыллар ортолоругар Авшар Ибрахим Татлысесы кытта олус элбэх кииниэҕэ бииргэ уһуллубута. Кини Москубатааҕы Норуоттар икки ардыларынааҕы киинэ бэсибээлигэр саамай сүрүн бирииһи ылбыта. Кай Чилингироглу диэн эмиэ Турцияҕа биллэр көстөр киһиэхэ ойох тахсан олоро сылдьыбыта рээри, ыаллар 2005 сыллаахха тапсыбакка арахсыбыттара. Кинини кыытта олорон Авшар Зехра диэн суос соҕотох кыыстаммыта.

2005 сыллаахха Хюлья Авшар Перихан Магден «Две девушки» диэн арамаанын киинэҕэ түһэриигэ артыыс быһыытынан кыттыбыта. Киинэни биллиилээх редиссер Кутлуг Атаман устубута. 2015 сыллаахха Авшар Хюлья Сафийе Султан оруолун "Великолепный век: Кёсем Султан" диэн элбэх сиэрийэлээх киинэҕэ толорбута. Билигин кини "Селфи" диэн бэйэтин олоҕун уонна айар үлэтин туһунан сырдатар киинэни устууга үлэлэһэ сылдьар. Киинэ 2017 сыллаахха көрөөччү дьүүлүгэр тахсыахтаах.

Сигэлэр уларыт

https://ru.wikipedia.org/wiki/%D0%90%D0%B2%D1%88%D0%B0%D1%80,_%D0%A5%D1%8E%D0%BB%D1%8C%D1%8F

https://www.kinopoisk.ru/name/403550/