Неслиха́н Атагю́ль Догулу́ (туур. Neslihan Atagül Doğulu; 1992 сыллаахха атырдьах ыйын 20 күнүгэр төрөөбүт, Турция, Стамбул) — турок биир саамай биллиилээх модела уонна киинэ, киинэ сэрийээлин артыыһа

Биографията уонна карьерата уларыт

Неслихан Атагюль 1992 сыллаахха атырдьах ыйын 20 күнүгэр Турция Стамбул куоратыгар черкес хааннаах турок киһитигэр уонна Белоруссияттан төрүттээх дьиэ хаһаайкатын дьиэ кэргэнигэр төрөөбүтэ. Неслиханы таһынан, дбиэ кэргэн өссө биир оҕолооҕо. Ол курдук, кыыс бииргэ төрөөбүт убайдааҕа. Кини бэйэтин карьератын реклмама роликтарын устууттан саҕалаабыта. 2005 уонна 2006 сыллардаахха Tofita, Valenza Kids, Sütaş курук улахан биллэр хампаанньалар рекламалыыр роликтарыгар уһуллубута. 2006 сыллаахха олоҕор аан бастакытын «Первая любовь» диэн ааттаах киинэҕэ уһуллан, артыыс быһыытынан сүрэхтэммитэ. 2008 уонна 2009 сыллардаахха Неслихан «Листопад» диэн ааттаах элбэх сиэрийэлээх киинэ 34 сиэрийэтигэр уһуллубута..

2013 сыллаахха Неслихан Атагюль «Два лица Стамбула» диэн эмиэ элбэх сиэрийэлээх киинэ устуутугар кыттыбыта. Онно кини олоҕор аан бастакытын сүрүн оруолу оонньообута.

Ол гынан баран кини аан дойдуга биллэр артыыс быһыытынан үүнэн сайдан тахсарыгар «Всё, что мне осталось от тебя» (2015) диэн киинэ төһүү буолбута. Кини бу киинэҕэ Элим диэн биир саамай сүрүн оруолу толорбута.

Төһө даҕаны артыыс олус эдэр саастааҕын иһин, кини норуоттар икки ардыларынааҕы билиниини ситиспитэ. Олортон саамай элбэх бирииһин 2012 сыллаахха «Чистилище» киинэҕэ оонньоон ылбыта.

Тус олоҕо уларыт

2013 сылтан Атагюль Кадир Догулу артыыстыын доҕордоспута; 2015 сыллаахха сэтинньи 26 күнүгэр холбоһоллорун туһунан биллэрбиттэрэ. Уруулара 2016 сыллаахха от ыйын 8 күнүгэр буолбута.

Артыыс туохтааҕар даҕаны чуумпу киэһэлэргэ, иллэҥ кэмигэр кинигэни ааҕарын сөбүлүүр. Ол курдук. кини саамай сөбүлүүр суруйааччылара буолаллар: Франц Кафка, Карлос Кастанеда, Урсула Ле Гуин, ону таһынан кини Тим Бертон уонна Дэвид Линч киинэлэрин сэҥээрэр.

Сигэлэр уларыт