Болот Бейшеналиев (1937 сыллаахха бэс ыйын 25 күнүгэр Кеминскай оройуон Восточнайыгар төрөөбүт -- 2002 сыл сэтинньи 18 күнүгүр Бишкеккэ өлбүт[1]) — сэбиэскэй кэмнээҕи кинемотографист, киинэ уонна тыйаатыр уонна киинэ биллиилээх артыыһа. Кыргыстаан норуодунай артыыһа. Азиз Бейшеналиев диэн эмиэ кыргыыс артыыһын төрөппүт аҕата.

Биографията уларыт

Болотбек Бейшеналиев 1937 сыллаахха бэс ыйын 25 күнүгэр Кыргыстаан Кеминскэй оройуонун Торт-Куль сэлиэнньэтигэр төрөөбүтэ[2].

Кыргыстааҥҥа опера уонна балет тыйаатырын иһинэн үлэлээбит устуудьуйаны (1957) уонна Ташкеннааҕы театральнай-художественнай институту үөрэнэн бүтэрбит (1963). "Киргизфильм" киинэ устуудьуйатыгар көмөлөһөөччүнэн уонна режиссер ассистенынан үлэлээбитэ. Ону кытта тэҥҥэ киһи хараҕар быраҕыллар ураты дьүһүннээх буолан, 1960 - 1980 -с сыллардаахха араас сэбиэскэй киинэлэргэ уһуллубута. Ол гынане баран, сүрүннээн, иккис былааҥҥа. Үксүгэр "илиҥҥилии дьүһүннээх" киһи наада буолан, куһаҕан дьону, бандьыыттары, басмачтары, Орто Азия өрөспүүбүлүкэлэрин чуньуобунньуктарын, "азиат" оҕонньотторун, о. д. а. оонньуура.

Болотбек Бейшеналиев Кыргыстаан норуодунай артыыһа.

2002 сыллаахха сэтинньи 18 күнүгэр Бишкек куоракка өлбүтэ.

Кыргыыс Өрөспүүбүлүкэтин Бырабыыталыстыбата "Кыргыыс Өрөспүүбүлүкэтин норуодунай артыыһа Болот Бейшеналиев аатын үйэтитэр туһунан" уурааҕы таһаарбыта. Ол уураах быөыытынан, Чудааҕы уобалас Кеминскэй оройуонун Кемин куораттыы тииптээх бөһүөлэгин "Спутник" киинэ тыйаатырыгар кини аата иҥэриллиэхтээх, киинэ тыйаатырын дьиэтин иннингэр норуот артыыһын бүүһэ туруохтаах.

1976 сыллаахха «Транссибирский экспресс» диэн мүччүргэннээх киинэҕэ Исидо диэн дьоппуон детектиибин оруолугар холоммута[3]

Бэлиэтээһиннэр уларыт

  1. Болот Бейшеналиев биография(нууч.). ТопАктер. Тургутулунна 18 Сэтинньи 2017.
  2. Бейшеналиев Болот(нууч.). Open.kg. Тургутулунна 1 Ыам ыйын 2020.
  3. Ли Олег Сафронович. el.kz. Тургутулунна 2 Муус устар 2016.

Сигэлэр уларыт