Колесов Николай Саввич (02.02.1912—31.12.1977) — саха чулуу булчута, Социалистическай Үлэ Геройа.

Николай Саввич Колесов
Төрөөбүт күнэ:

2 олунньу 1912({{padleft:1912|4|0}}-{{padleft:2|2|0}}-{{padleft:2|2|0}})

Төрөөбүт сирэ:

Тумат нэһилиэгэ, Усуйаана улууһа,
Саха уобалаһа

Дойдута:

Россия империята Россия империятаССРС ССРС

Өлбүт күнэ:

31 ахсынньы 1977({{padleft:1977|4|0}}-{{padleft:12|2|0}}-{{padleft:31|2|0}}) (65 сааһыгар)

Наҕараадалара:
Социалистическай Үлэ Геройа  — 1957
Ленин уордьана  — 1957

Олоҕун олуктара уларыт

  • 1912 сыллаахха Усуйаана улууһун Тумат нэһилиэгэр удьуор булчут дьиэ кэргэнигэр төрөөбүтэ. Алын сүһүөх үөрэхтээх.
  • 1930 сылтан Ленин В.И. аатынан колхозка булчутунан (1961 сылтан «Усуйаана» колхозка) үлэлээн саҕалыыр.
  • 1955—1956 сыллаах былаанын 37 бүк куоһарбыт. Ол эбэтэр Ийэ дойдутугар 84 тыһыынчаттан тахса солкуобай суумалаах күндү түүлээҕи туттарбыт. Кырсаны бултааһыҥҥа бүтүн Сойуус үрдүнэн рекорду олохтообут. Кырсаны үксү «пааһынан» бултуур этэ, үксүн мэҥиэнэн үчүгэйдик туттар этэ, промысловай площадканан тэрийбитэ. Бэйэтэ атын да булчуттары бэлэмнээбитэ, кини үгүс үерэнэччилэрэ С.И. Колесов, Н.П. Охлопков, К.Н. Сыроватскай Саха сириҥ биллиилэх булчуттара буолбуттара.

ССРС Үрдүкү Сүбэтин Президиумун 1957 сыл алтынньы 1 күнүнээҕи Ыйааҕынан Колесов Николай Саввичка Социалистическай Үлэ Геройун аата иҥэриллибитэ.

  • 1961 сылтан — «Усуйаана» совхоз булчута. Сонор суолун күрэҕэр 40-ча сыл устата сылдьыбыт. Хас сыл аайы былаанын аһара толороро. Аҥардас 1964 сылга 100 тыһ. солкуобайдаах көмүс түүлээҕи туттарбыт.
  • Н. С. Колесов ССКП Саха Уобаластааҕы комитетын Пленумун чилиэнинэн талылла сылдьыбыта. ССРС Үрдүкү Сүбэтин VI ыҥырыытын, Саха АССР Үрдүкү Сүбэтин депутаттарынан талылла сылдьыбыта.Тыа хаһаайыстыбатын инструкторынан үлэлии сылдьан, Саха Сирин араас муннуктарыгар булчуттардыын көрсүһэн, кырсаны бултааһын туһунан олоххо мунньуммут баай уопутун тарҕатара. Пенсияҕа тахсан баран Дьокуускай куоракка олорбут.
  • 1977 сыллаахха ахсынньы 31 күнүгэр ыалдьан өлбүт.

Наҕараадалара уонна ытык ааттара уларыт

  • Социалистическай Үлэ Геройа[1] (1957)
  • Ленин уордьана (1957)
  • Аата Саха АССР Бочуотун кинигэтигэр суруллубут

Өссө маны көр уларыт

Социалистическай Үлэ Геройдарын тиһигэ (Саха Сирэ)

Быһаарыылар уларыт

Сигэлэр уларыт