Мин үрдүбэр күн хаһан да киирбэт (киинэ)

Мин үрдүбэр күн хаһан да киирбэт (нууч. Надо мною солнце не садится) — Николай Лугинов "Таас Тумус" айымньытыгар олоҕуран Любовь Борисова туруоруутугар сахалыы уус-уран киинэ. Премьерата 2019 сыл ыам ыйын 8 күнүгэр буолбута. Киинэҕэ сүрүн оруоллары "Тойон кыыл" киинэнэн киэҥ биллиини ылбыт Степан Петров уонна эдэр, саҥа тахсан эрэр артыыс Иван Константинов оонньообуттар. Киинэ "Государственная национальная кинокомпания "Сахафильм" АУ оҥорон таһаарбыт.

Надо мною солнце не садится
{{{ОригАата}}}
[[File:{{{Ойуу}}}|200px]]
Жанр	Драма, Комедия
Режиссёр	Любовь Борисова
Продюсер	Дмитрий Шадрин
Сценарий ааптара	Любовь Борисова
Сүрүн оруолларга	Иван Константинов, Степан Петров, Анатолий Кириллин
Оператор	Семен Аманатов
Композитор	{{{Композитор}}}
Кинокомпания	Сахафильм
Дистрибьютор	{{{Дистрибьютор}}}
Уһуна	{{{Уһуна}}}
Бюджет	{{{Бюджет}}}
Касса	{{{Касса}}}
Дойду	Саха сирэ, Россия
Тыла
Сыла	2019
IMDb	ID

Сюжет

Алтан диэн сүүрбэтин тахсыбыт уол дьонугар убайа кэлэн чэйдии олорон уолларын Алтаны Лаптев муораҕа баар звероферматыгар биир ый үлэҕэ кэпсэтэр. Алтан куорат олоҕор үөрэммит буолан ыраах барыан сөбүлээбэт, эрээри ордук дьиэ иһинээҕи сыһыаннарыгар бүүрүүкээбит, аҕатын бырастыы гыммат санаата ордук баһыйар буолан барсар.

Зверофермаҕа Гоша диэн үлэһит баар, уруу киэһэтин тэрийээри биир ыйга көҥүллэппит. Убайа хас биирдии хамсаныытын төлөппүөн нөҥүө көрө-истэ сылдьар курдук модьуйан Алтаны соҕотох хаалларан бараллар. Сарсыныгар Гоша доҕотторо "мальчишниктыы" кэлэллэр. Доҕордоро суоҕун иһин төлөппүөн нөҥүө кэпсэтэн бэлиэтииллэр. Звероферматтан тэйиччи турар үүтээн абааһылааҕын туһунан кэпсииллэр. Онтон сылтаан Алтан сүгүн-саҕын буолбакка үүтээни чинчийэр. Кэлин биллибитэ, Байбал диэн кырдьаҕас киһи олорор эбит.

Байбал бүтэһик күннэрин олоро арыыга кэлэн олохсуйбут, кэргэнэ Маайыс көмүллүбүт сирин аттыгар хараллыан баҕарар. Алтантан ити бүтэһик баҕа санаатын толороругар көрдөһөр. Алтан бастаан буолуммат, кэлин сөбүлэһэр, эрээри, өлүөн иннинэ күн аайы хас биирдии баҕа санаатын толорорунан дьарыктанар. "Хаһан да туолбат баҕа санаатын" - байҕалга тыы түҥнэстиитигэр сүтэрбит үс саастаах кыыһа көстөн, тиийэн кэлиэҕин баҕарарын толорорго күһэллэллэр. Ютубка канал арыйаллар, элбэх көрөөччүлэр интэриэстэрин тардаары вайнары (быстах киинэлэри) усталлар.

Биирдэ "канал14" суруналыыһа "Байбал кыыһа көһүннэ" диэн биллэрэр да, атын, 16 саастаах тулаайах кыыс буолан хаалар...

Оруолларга

Степан Петров, Иван Константинов.

Рейтинг

Москубатааҕы киинэ бэстибээлигэр икки бирииһи ылбыта.

Кириитикэ

Кириитикэ үксүгэр хайгыыр. Киинэҕэ олох уонна өлүү охсуһуута, уустук өйдөбүллэр бэрт кэбэҕэс, сырдык тылынан этиллибиттэрин бэлиэтииллэр. Оператор Семен Аманатов бу сырыыга бэйэтин саҥа өрүтүн арыйбыта ахтыллар. Киинэ продюсердааһын өттүнэн эмиэ чопчу табыллыбытын, үчүгэйдик толкуйдаммытын ахталлар. Режиссер дебюта дииллэр эрээри, Любовь Борисова уһуннук бу киинэ эйгэтигэр эриллэ сылдьыбыт сиппит-хоппут киһи, онон киинэтэ да оннук буолбут диэн этэллэр.

Ол да буоллар атын санаалаах дьон эмиэ бааллар. Бэстибээлгэ анаан уһуллубут киинэ да дииллэр. Оннооҕор намыһах таһымнаах диэччилэр бааллар. Холобур, оннук дьон этиитин киновед Александр Шпагин бэйэтин интервьютугар эппит. Кини санаатыгар киинэ соцреализм халыыбынан уһуллубут "мүөттээх оҕонньор сыыһын" туһунан. Аһара позитивнай буолбут, онон үрдүк таһымҥа тахсар кыаҕа суох диир.