Озчивит Бурак
Бура́к Озчиви́т (туур. Burak Özçivit, 1984 сыллаахха ахсынньы ый 24 күнүгэр төрөөбүтэ (1984 - 12 -24), Турция өрөспүүбүлүкэтэ, Стамбул куорат) — турок омугун биир саамай биллиилээх киинэ, тэлэбиидэнньэ артыыһа уонна сулустаах манекенщига.
Олоҕо уонна үлэтэ хамнаһа уларыт
Бурак Озчивит 1984 сыллаахха ахсынньы ый 24 күнүгэр Турция өрөспүүбүлүкэтин биир саамай кырдьаҕас уонна улахан куоратыгар -- Стамбул куоракка күн сирин көрбүтэ. Кини төрөөбүт куоратыгар Стамбулга баар Мармара университетыгар Киинэ, ойуулуур дьүһүннүүр ускуустуба уонна хаартыскаҕа түһэрии факультетын ситиһиилээхтие үөрэнэн бүтэрбитэ. 2003 сылтан саҕалаан 2007 сыллахха диэри модель биисинэһигэр ылсан үлэлээбитэ. Ол түмүгэр, 2003 сыллаахха "Турция өрөспүүбүлүкэтин бастыҥ модела" анал ааты ылбыта. 2005 сыллаахха "Аан дойду бастыҥ модела" диэн норуоттар икки ардыларынааҕы улахан куонкуруска иккис миэстэҕэ тиксибитэ[1].
2006 сыллаахтан саҕалаан кини киинэҕэ уонна тэлэбиидэнньэ сэрийээллэригэр артыыс быһыытынан оруолларга оонньуур. Кини «Великолепный век» уонна «Королёк — птичка певчая» диэн хастыы эмэ сиэрийэлээх улахан бырайыактарга кыттан, аан дойдуга улаханнык аатырбыта.
Бурак Озчивит Бурчун Дениз диэн ааттаах бииргэ төрөөбүт балыстаах.
Тус олоҕо уларыт
Бурак Озчивит 2015 сылатан саҕалаан эмиэ биллиилээх артыыс дьахтар Фахрие Эвдженныын көрсөн барбыта. Кинилэр 2017 сыллаахха кулун тутар 9 күнүгэр Германияҕа биһилэхтэммиттэрэ, ол сыл бэс ыйын 29 күнүгэр Стамбулга ыал буолбуттара. 2019 сыллаахха Каран диэн уоламмыттара[2].
Бэлиэтээһиннэр уларыт
- ↑ Burak Özçivit'in akıl almaz değişimi.... HTHayat. Тургутулунна 17 Олунньу 2015.
- ↑ tv.ua. Секс-символ Турции Бурак Озчивит впервые стал отцом(нууч.). tv.ua (15 Муус устар 2019). Тургутулунна 16 Муус устар 2019.