Polandball
Polandball (поланд-бол), эбэтэр Сountryball (кантри-бол) — диэн дойдулар былаахтара дьон курдук көрдөөхтүк ойууламмыттарын ааттыыллар. Бу кантри-болларга олоҕуран дойдулары, омуктары күлүү гынар комикстары уруһуйдууллар.
Биллэн турар маны туһанан сороҕор соччо бөрүкүтэ суох ойуулар тахсаллар да буоллар, бу көстүү аан дойдуга тарҕаммыт төрүөтэ бастатан туран маннык - баар итэҕэстэри күлүү гыныы.
Аан бастаан Польша былааҕа ойууламмыт. Кэлин элбэх поляк интэриниэтчиттэрэ бу "былаах-киһини" туһанан комикстары уруһуйдаабыттара. Кинилэри күлүү гынан атын омук интэриниэтчиттэрэ эмиэ уруһуйдуур буолбуттара арааһа поляктары күөртээн биэрбит, сомоҕолообут быһыылаах. Салгыы Польшаҕа, Германияҕа уонна да атын дойдуларга биллэр интэриниэт-мем буолбута.
Үөскээһинэ уларыт
Полэндбол 2009 сыллахха drawball.com диэн ситим-сиргэ Польша уонна атын дойдулар киберсэриилэрин кэмигэр үөскээбит. Ол ситим-сир тугу баҕарар уруһуйдуур холустаны биэрэр эбит. Польша интэриниэтчиктэрин көҕүлээһининэн ол сиргэ киирэн элбэх киһи куолаан Польша былааҕын уонна ортотугар Polska диэн тылы уруһуйдаабыттар. Ону утаран 4chan ситим-бөлөх сүрүннээһининэн онтукаларын үрдүнэн улахан баҕайы свастиканы уруһуйдаабыттар.[1][2]
Krautchan.net диэн ниэмэстэр имиджбордалара, онно араас английскайдыы саҥарар дьон киирэллэр эбит. Үөскүүр кэмигэр "Фалько" диэн никтаах киһи 2009 сыл балаҕан ыйыгар айбыт.[1][3][4]
Галерея уларыт
-
Австралия пробкаттан оҥоһуллубут сэлээппэлээх ойууланар -
АХШ салгын ачыкытын кэтэ сылдьар, "крутойа" көстөр -
Бразилия куруук португаалыы күлэр: HUAHUEHUAHUE -
-
Великобритания "былыргылыы" барыла -
Каталония курдук туспа тыллаах уобаластар эмиэ туспа ойууланаллар -
-
Латвия куруук хортуоскалаах ойууланар -
-
Сербия уонна атын сорох дойдулар дьаралыктарынан аҥаар харахтарын бааммыт курдук ойууланаллар -
-
Швеция уонна атын скандинавия дойдулара виикиннии таҥастаахтар
Тас сигэлэр уларыт
- ↑ 1,0 1,1 Orliński, Wojciech (16 January 2010). "Wyniosłe lol zaborców, czyli Polandball" (in Polish). Gazeta Wyborcza. http://wyborcza.pl/1,86116,7462232,Wyniosle_lol_zaborcow__czyli_Polandball.html. Retrieved on 25 March 2012.
- ↑ Zapałowski, Radosław (15 February 2010). "Znowu lecą z nami w... kulki" (in Polish). Cooltura. http://www.elondyn.co.uk/newsy,wpis,7731. Retrieved on 22 March 2012.
- ↑ Kapiszewski, Kuba (13/2010). "Fenomem - Polska nie umieć kosmos" (in Polish). Przegląd. http://www.przeglad-tygodnik.pl/pl/artykul/fenomem. Retrieved on 26 March 2012.
- ↑ Polandball. Knowyourmeme. Тургутулунна 26 March 2012.