Андрей Владимирович Тарасенко

Андрей Владимирович Тарасенко — Арассыыйа политига. 2020 сылтан Саха Өрөспүүбүлүкэтин бырабыытылыстыбатын бэрэсэдээтэлэ. Психология билимин доктора.

Андрей Владимирович Тарасенко

Приморскай кыраай баһылыгын эбээһинэһин быстах кэмҥэ толорор (Альтынны 4 күнэ 2017 сыл – балаҕан ыйын 26 күнэ 2018 сыл). Муора уонна өрүс федеральнай ааҕыныстыбатын салайааччытын солбуйааччы (2018 – 2020)

Олоҕун олуктара

Атырдьах ыйын 9 күнүгэр 1963 сылга Владивосток куоракка күн сирин көрөр.

1985 сыл Ленинград куоратын Ленин комсомолун аатынан подводнай хараабыл үрдүкү байыаннай морской училищетын үөрэнэн бүтэрэр. 1994 сылга диэри СССР уонна Российска федерация сэбилэниилээх күүстэригэр сулууспалыыр.

1997 сыл балаҕан ыйыттан 2000 сыл тохсунньутугар диэри «Вестморепродукт» диэн сабыылаах акционернай уопсустубаны салайар.

2000 сыл тохсунньутуттан 2003 сыл сэтинньитигэр диэри «Национальные ресурсы» федеральнай государственнай унитарнай тэрилтэ генеральнай дириэктэрэ.

2002 сылга Российскай Федерация Президенин иһинэн үлэлиир «государственнай уонна муниципальнай салайыы» диэн идэҕэ үөрэнэн «менеджер» исписээлнэһин ылар.

2003 сылга Москватааҕы государственнай социальнай университекка "Салайар быһаарыылары ылыныы диалогавай көрүҥэ" диэн темаҕа кандидатскай диссертациятын көмүскүүр.

2004 сыл тохсунньутуттан 2005 сыл бэс ыйыгар диэри «Мурманскай муора балыгын порда» федеральнай государственнай унитарнай тэрилтэ директорын эбээһинэһин толорор.

2005 сыл от ыйыттан 2007 сыл бэс ыйыгар диэри — бултааһыҥҥа,  айылҕа ресурсаларыгар уонна агропромышленнай комплекс федеральнай бюджет оросхуотун хонтуруоллуур инспекция Россиятааҕы счетнай палаата департаменын салайааччытын солбуйааччы.

2006 сылга Россиятааҕы государственнай социальнай университ «бухгалтерскай учуот, анализ уонна аудит» диэн идэтигэр үөрэнэн «экономист» исписээлнэһин ылар.

2007 сыл ахсынньытыттан 2008 сыл муус устар ыйыгар диэри федеральнай агентство атомнай энергиятын дьыалатын уонна административнай хааччыйыытын управлениетын салайааччытын солбуйааччы.

2008 сыл муус устар ыйыттан 2010 сылга диэри «Росатом» атомнай энергияны харыстыыр государственнай корпорация баайга-дуолга департаменын салайааччытын солбуйааччы.

2010 сылга психологическай билим дуоктара буолбута. «Диссернет» сетевой бөлөх экспертиза А.В. Тарасенко «Байыаннай салайааччы социальнай-психологическай сокуонун кээмэйэ уонна кини оптимальнай үлэтин механизмнара» диэн докторскай диссертацията улахан чааһа плагиат буоларын быһаарбыта.

2010 сыл ахсынньы ыйыттан 2012 сыл тохсунньутугар диэри «Россельхозбаан» бырабылыанньатыгар кылаабынай экэнэмиистэн саҕалаан баан бэрэсэдээтэлин сүбэһитигэр тиийэ үлэлиир

2012 сыл кулун тутар ыйыттан 2013 сыл бэс ыйыгар диэри уу ресурсаларын федеральнай агентствотын салайааччытын солбуйааччынан, кэлин Невскэй Лаадыс бассейн управлениетын салайааччытынан утумнаахтык үлэлиир.

2013 сыл от ыйыттан балаҕан ыйыгар диэри «Росморпорт» ФГУП генеральнай директорын солбуйааччынан үлэлээбитэ. Балаҕан ыйын 11 күнүгэр 2013 сыллаахха «Росморпорт» ФГУП генеральнай директорын дуоһунаһыгар ананар.

2017 сыл альтынньы ый 4 күнүгэр Россия Президенэ Владимир Путин Приморскай кыраай губернаторын эбээһинэһин быстах кэмҥэ толорооччунан А.В. Тарасенканы аныыр.

2018 сыл балаҕан ыйын 9 күнүгэр Приморскай кыраай салайааччытын быыбарын бастакы туругар 46,57% куолаһы ылбыта уонна Андрей Ищенко диэн депутаты кытары иккис турга тахсар.

Иккис туур балаҕан ыйын 16 күнүгэр буолбута. 96% бюллетени аахпыттарын кэннэ Андрей Тарасенко 5% куолаһынан утарсааччытыттан хаалан иһэрэ биллибитэ, онтон бүтэһик кэмҥэ лидердэргэ соһуччу тахсар. Быыбар иккис туура сыыһалаах, үҥсүүлээх уонна элбэх киһи утарыылаах буолан балаҕан ыйын 19 күнүгэр Центризбирком бэрэсэдээтэлэ Элла Памфилова быыбар сөбө суохтук барбытын биллэрбитэ. Сотору Тарасенко Владимир Путиҥҥа Приморскай кыраай губернаторын эбээһинэһин быстах кэмҥэ толорооччу дуоһунаһыттан босхолуур туһунан сайабылыанньа суруйбута, ол кэннэ Приморскай кыраай губернаторын эбээһинэһин быстах кэмҥэ толорооччу Олег Кожемяко анаммыта.

2018 сыл балаҕан ый 27 күнүгэр Россия бырабыытылыстыбатын ыйааҕынан муора уонна өрүс федеральнай ааҕыныстыбатын салайааччытын солбуйаачытынан ананар.

2020 сыл от ыйын 31 күнүгэр Саха Өрөспүүбүлүкэтин Ил Дархана Айсен Сергеевич Николаев ыйааҕынан Саха Өрөспүүбүлүкэтин бырабыытылыстыбатын бэрэсэдээтэлин эбээһинэһин быстах кэмҥэ толорооччутунан ананар.

2020 сыл сэтинньи ый 10 күнүгэр Саха Өрөспүүбүлүкэтин Ил Түмэнин депутаттара Андрей Тарасенко кандидатуратын өйөөннөр Саха Өрөспүүбүлүкэтин бырабыытылыстыбатын бэрэсэдээтэлинэн талаллар.