Антонов Валентин Дмитриевич (1926-2014)
Антонов Валентин Дмитриевич — СӨ Нуучча тыйаатырын артыыһа, преподаватель, Саха Өрөспүүбүлүкэтин норуодунай артыыһа, РСФСР норуодунай артыыһа, «Хотугу Сулус» уордьан кавалаера (2001)[1]. Аҕа дойду улуу сэриитин кыттыылааҕа.
1926 с. балаҕан ыйын 24 күнүгэр Симбирскэй күбүөрүнэ (билигин Ульяновскай уобалас) Сара сэлиэнньэтигэр төрөөбүт. 1948 сыллаахха Свердловскайдааҕы тыйаатыр институтугар үөрэнэ киирбит. 1950 сыллаахха Ленинградтааҕы тыйаатыр А. Н. Островскай аатынан интситуукка көспүт, ол сыл туйгуннук бүтэрбит.
1952—1954 сыллардаахха Чебоксар куоракка Нуучча тыйаатыгар үлэлээбит, 1954—1966 сылларга — Дьокуускайга Нуучча драма тыйаатырыгар. Онтон Орел, Семипалатинскай, Чебоксар тыйаатырдарыгар үлэлээбитэ. 1971 сыллаахха Дьокуускайга төннүбүт, Нуучча тыйаатырыгар артыыһынан үлэлээн бүтүөр диэри үлэлээбит.
1983—1987 сс. тыйаатыр дириэктэрэ буола сылдьыбыт. 1992 сыллаахтан сыана ускуустубатын устудьуоннарга үөрэппит, МХАТ оскуола-устуудьуйатын актердарын икки кууруһун уонна АГИКиИ биир кууруһун бэлэмнээбит.
1996 сыллаахха "Ол сайын…" (Прошлым летом) диэн өрөдьүссүөр Вячеслав Семёнов киинэтигэр уһуллубута. Күрүөйэх хаайыылаахтар баһылыктарын оонньообута[2].
2014 сыл муус устар 22 күнүгэр уһун ыарахан ыарыттан Дьокуускайга өлбүт.
Быһаарыылар
уларыт- ↑ Кавалеры Ордена Республики Саха (Якутия) «Полярная звезда» — список награждённых(суох сигэ — история). Официальный информационный портал Республики Саха (Якутия). Тургутулунна 23 Муус устар 2014.
- ↑ Кино-Театр.ру