Вильда́н Атасеве́р (туур. Vildan Atasever, 1981 сыллаахха от ыйын 26 күнүгэр төрөөбүт, Турция өрөспүүбүлүкэтэ, Бурса куорат) — турок омугун биир саамай биллэр киинэ уонна тэлэбиидэнньэ артыыһа.

БиографиятаУларыт

Вильдан Атасевер 1981 сыллаахха от ыйын 26 күнүгэр Турция Бурса куоратыгар күн сирин көрбүтэ. Кини дьиэ кэргэнигэр бэһис оҕонон төрөөбүт. Вильдан Атасевер орто үөрэҕи Стамбул куоракка ылбыта. 13 сааһыгар сылдьан Вильдан «Победители театра» диэн тыйаатыры таптааччылар бөлөхтөрүгэр чилиэн быһыытынан киирбитэ.

Вильдан Атасевер киинэҕэ аан бастыкытын 2001 сыллаахтан саҕалаан уһуллан барбыта. 2005 сыллаахха кини «Две девушки» диэн элбэх сиэрийэлээх драма киинэтигэр уһуллубутун иһин Турция киинэ эйгэтигэр биир саамай улахан бириэмийэтин -- «Золотой апельсин» бириэмийэни ылар чиэскэ тиксибитэ. Онтон салгыы 2006 сылаахха «Судьба» диэн эмиэ турок сэрийээлигэр Угур оруолун толорбутун иһин — Анкара куоракка ыытыллыбыт норуоттар икки ардыларынааҕы киинэ бэстибээлин анал, биир саамай улахан бирииһин хаһаайката буолбута. 2016 сыллаахха кулун тутар ыйга Вильдан Хюмашах Султан оруолун ылбыта. Хюмашах Султан диэн III Мурада уонна Сафие Султан саамай тапталлаах кыыстара. Бу уобарас «Великолепный век: Кёсем Султан» сэрийээр биир биллэр уонна сүрүн уобараһа буолар. Ону таһынан Вильдан реклама роликтарыгар элбэхтик уһуллар.

Тус олоҕоУларыт

2001 сыллаахтан 2007 сыллаахха диэри Вильдан ТайланКылынче диэн эмиэ биллэр артыыһы кытта ыал буолан олоро сылдьыбыта. Ол эрээри олоҕо уһаабатаөа. Арахсыбыта.

2010 сылаахха Вильдан иккиһин Исмаил Хаджиоглу диэн эмиэ артыыс киһиэхэ эргэ барбыта;

Ол гынан баран олохторо эми уһаабатаҕа. 2015 сыллаахха тохсунньу 21 күнүгэр суутунан арахсыбыттара.

28. 04. 2019 сыллаахха Вильдан үһүс төгүлүн төхтөрүйэн Эркан Акдемирга ойох тахсыбыта. билигин бииргэ олороллор.

СигэлэрУларыт

https://ru.wikipedia.org/wiki/%D0%90%D1%82%D0%B0%D1%81%D0%B5%D0%B2%D0%B5%D1%80,_%D0%92%D0%B8%D0%BB%D1%8C%D0%B4%D0%B0%D0%BD

https://www.kinopoisk.ru/name/762852/