Голомарева Елена Христофоровна
Голомарева Елена Христофоровна — түмэт диэйэтэл, Ил Түмэн IV, V, VI ыҥырыыларын дьокутаата. Ил Түмэн төрүт олохтоох, аҕыйах ахсааннаах хотугу омуктар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ.
Кулун тутар 21 күнүгэр 1961 сыллаахха төрөөбүтэ. 1979-1983 сс. Өлөөн орто оскуолатыгар начаалынай кылаас учуутала. 1983-1990 сс. Өлөөн орто оскуолатын дириэктэри солбуйааччы. 1987 с. Магадааннааҕы государственнай пединституту бүтэрбит, идэтэ "начаалынай үөрэхтээһин педагогигата уонна мэтиэдикэтэ". 1990-1993 сс. Өлөөн РОНО-тугар мэтиэдикэ кэмитиэтин сэбиэдиссэйэ. 1993-1995 сс. Өлөөн орто оскуолатын I сүһүөҕүн оскуолатын дириэктэрэ. 1995-2003 сс. Өлөөн улууһун үөрэҕин салаатын начаалынньыга. 1997 с. Уһук Илин госудаарыстыбаннай сулууспа акадьыамыйатын бүтэрбит, идэтэ "государственное и муниципальное управление".
2003 - 2008 сс. - Өлөөн эбэҥки национальнай оройуонун үөрэҕин управлениетын начаалынньыга, Оройуон дьокутааттарын сэбиэтин (Сугулаанын) бэрэстээтэлэ;
Наҕараадалара уонна ытык ааттара
уларыт- РСФСР просвещениетын туйгуна
- РФ Үтүөлээх учуутала.
- СӨ үөрэҕириитин үтүөлээх үлэһитэ.
- Ил Түмэн Бочуоттаах грамотата, СӨ бырабыыталыстыбатын Бочуоттаах грамотата, "Совет Федерации. 20 лет" мэтээл.