Деме́нция (лат. dementia — өйө суох) — киһиэхэ кэлин баар буолбут мэйии үлэтин кэһиллиитэ, урут билбитин-көрбүтүн төһөтө эрэ сүтэн, билэр-көрөр уонна ону-маны гынар кыаҕа сүтүүтэ, саҥаны отой да эбэтэр ыараханнык ылынар буолуута. Олигофренияттан уратыта деменцияҕа сиппит-хоппут мэйии үрдүкү функциялара ханнык эмит ыарыыттан эбэтэр мэйии трамватыттан сылтаан алдьаналлар. Ордук элбэхтик деменция кырдьар сааска көстөр (сенильнай деменция, лат. senilis — кырдьыыны кытта ситимнээх). Дьон бу ыарыыны түөһэйии дииллэр. ВОЗ дааннайынан, 2015 сыллаахха 46 мөлүйүөн киһи деменциялаах этэ[1]. 2017 сыллаахха бу сыыппара 50 мөл. диэри үрдээбит[2]. Сылын ахсын 7,7 мөл деменция саҥа ыарыыта бэлиэтэнэр, хас биирдиитэ ыалларга да доруобуйа харыстабылыгар да ыар сүгэһэр буолар[2]. 2050 сылга бу сыыппара 131,5 мөл. буолуо диэн сабаҕалыыллар[3].

  1. "Over 46 Million People Now Have Dementia Worldwide". Time. 2015-08-25. http://time.com/4009643/46-million-dementia-alzheimers/. Retrieved on 2015-08-26. 
  2. 2,0 2,1 WHO. Информационный бюллетень ВОЗ. Деменция (1 Ахсынньы 2017).
  3. Международный отчет о болезни Альцгеймера за 2009 год. Тургутулунна 18 Бэс ыйын 2020.