Ефимов Федор Петрович

Ефимов Федор Петрович - Арассыыйа уонна Саха Өрөспүүбүлүкэтин култууратын үтүөлээх үлэһитэ, П.А. Ойуунускай аатынан Государственнай бириэмийэ лауреата, сэрии бэтэрээнэ, суруналыыс.

Олоҕун олуктара

1915 сыллаахха алтынньы 12 күнүгэр Чурапчы улууһугар I Чакыр нэһилиэгэр төрөөбүтэ. Кини икки сыл учууталлаан баран, 55 сыл устата саха сиринээҕи кинигэ издательствотыгар тохтоло суох үлэлээбитэ.

Федор Петрович XX-с үйэ спордун лауреата. Кини саахымат оонньуутугар Саха Республикатын 5 төгүллээх чемпиона (1940, 1948, 1950, 1952, 1953 гг.).

Айар үлэтэ

Президент М. Николаев 1993 с. алтынньы 31 күннээҕи ыйааҕынан Ф.П. Ефимовка П.А. Ойуунускай айымньыларын бастакы толорору хомуурунньугун томнарын быыһааһыҥҥа 1938-1955 сыллардааҕы политическай репрессиялар уонна сонордооһуннар быһыыларыгар-майгыларыгар оҥорбут гражданскай хорсун быһыытын иһин Саха Республикатын П.А. Ойуунускай аатынан Государственнай бириэмийэтин анаабыта уонна Ойуунускай бириэмийэтин аатын лауреатын аатын иҥэрбитэ.

Федор Петрович Москва куоракка Саха Республикатын типографиятыгар биир дойдулааҕа Д.П. Лазаревы кытта үлэлээбитэ, онно П.А. Ойуунускай “Дьулуруйар Ньургун Боотур” олоҥхотун бэчээккэ бэлэмнээбиттэрэ, уонна 7 тому дойдутугар аҕалан 17 сыл кистээн сылдьыбыта. Бу курдук хорсун, уус-уран литератураҕа бэриниилээх киһилээх буоламмыт П.А. Ойуунускай литературнай нэһилиэстибэтэ норуотугар тиийбитэ уонна бу үтүө холобур сыаналаммыта, онон саха биир бастыҥ олоҥхото күн бүгүн аар-саарга аатырар, аан дойду норуоттарын чулуу айымньыта буолан ЮНЕСКО-ҕа киирэн тылбаастанар кыахтанна.

Сигэлэр

Чурапчы улууһун олоҥхоһуттара. Антология. Дьокуускай.Алаас, 2015