Иван Иванович Кандинский

Кандинский Иван Иванович 1937 сыллаахха ахсынньы 21 күнүгэр Мэҥэ-Хаҥалас оройуонун, Доллу нэһилиэгэр Маҥан Хороонноох учаастагар колхозтаах дьиэ – кэргэнигэр төрөөбүтэ.

Биографията уларыт

  • Аҕата – Кандинскай Иван Яковлевич колхоз ууһа, ийэтэ – Александра Семеновна ыанньыксыт этилэр. Иккиэн 1951 сыллаахха өлбүттэр.
  • Иван Кандинскай 1952 сыллаахха Төҥүлүгэ сэттис кылааһы бүтэрбитэ. 1955 сылга диэри Максим Горькай аатынан колхозка араас үлэлэргэ сылдьыбыта. 1957 сыллаахха комсомол кэккэтигэр киирбитэ.
  • 1956 сыллаахха Дьокуускайдаагы музыкальнай – художественнай училищега үөрэнэ киирбитэ. Студенныы сылдьан бастакы сүһүөх комсомольскай тэрилтэ секретарынан үлэлээбитэ. 1956 сылтан профсоюз чилиэнэ. 1958 сылтан 1962 сылга диэри Саха сирин комсомолун уобаластааҕы комитетыгар лекторынан сылдьыбыта.
  • 1960 сыллаахха музыкальнай училищены бүтэрэн, хор артиһын идэтин ылбыта. Ити сыл тута Москватааҕы А.В. Луначарскай аатынан театральнай институтка үөрэнэ киирбитэ.
  • 1961 сыллаахха Иван Кандинскай 24 эрэ саастаҕар ССКП Москва куораттааҕы Фрунзенскай оройуонун комитетыгар партияҕа ылыллыбыта. А.В. Луначарскай аатынан Москватааҕы Государственнай театральнай институкка үөрэнэ сылдьан, бастакы сүһүөх комсомольскай тэрилтэ уонна институт партийнай бюроларыгар чилиэнинэн үлэлээбитэ.
  • Москваҕа үөрэнэ сылдьан ССКП ХХII съеһин кэмигэр Съезтар Дыбарыастарыгар ыытыллыбыт концерга кыттан, делегаттары сахалыы тойугунан эҕэрдэлээбитэ.
  • 1965 сыллаахха сахалартан маҥнайгынан опера режиссерын идэтин ылан, П.А. Ойуунускай аатынан Саха Государственнай музыкальнай – драматическай театрга режиссерунан ананан кэлбитэ. Yөрэҕин бүтэрэр сылыгар Иван Кандинский дипломнай үлэтин “Лоокуут уонна Ньургуһун” диэн Д.К. Сивцев- Суорун Омоллоон уонна В.М. Новиков – Күннүк Уурастыырап суруйбут либреттоларынан лирическай опера – легенданы, ону таһынан, П.А. Ойуунускай “Кыһыл Ойуун” айымньытын Суорун Омоллоон чочуйан оҥоһуутугар үс оонньуулаах “Кыһыл Ойуун” драманы Саха Государственнай драматическай театрыгар ситиһиилэхтик туруорбута. Ону таһынан, Саха театра 40 сыллаах үбүлүөйүгэр анаан “Ньургун Боотур” операны туруорууга режиссер быһыытынан кыттыыны ылбыта.
  • 1965-1968 сс. бу театрга режиссердаабыт кэмигэр Польша биллиилээх композитора Станислав Монюшко “Галька” оператын уо.д.а туруорбута.
  • 1968-1969 сс. Амма народнай театрын төруттээбитэ уонна маҥнайгырежиссер быhыытынан улэлээбитэ. Иван Иванович Кандинскай саҥа театр аһыллыытыгар Степан Ефремов “Ини-бии” спектаклын режиссердаан туруорбута. Бэйэтэ Егор Егорович оруолун толорбута.
  • 1969-1973 cс. Чурапчы народнай театрын тэрийбитэ уонна режиссерунан үлэлээбитэ. Кини көҕүлээhининэн Чурапчы народнай театрыгар 1970 с. Биир дойдулаахпыт РСФСР уонна Саха АССР народнай артиha П.М.Решетников аата иҥэриллибитэ.
  • 1973 сылтан улэhиттэр депутаттарын Чурапчы оройуонунааҕы Советын культураҕа отделын сэбиэдиссэйинэн анаммыта. Иван Иванович Кандинскай ананан үлэлиир кэмигэр Дириҥҥэ народной театр, оҕо музыкальнай оскуолата аhыллыбыта.
  • 1977 с. Дьокуускайдааны партия обкомун иhинэн марксизм-ленинизм университетын бүтэрбитэ.
  • Культура үлэhиттэрин профсоюhун оройуоннаҕы комитетын чилиэнинэн, председателинэн, председателинэн, оройуон XIV-XV ыҥырыылаах Советын Депутатынан, народнай хонтуруол оройуоннааҕы комитетын, ЫБСЛКС райкомун уонна бюротун чилиэннэринэн, ССКП райкомун кандидатынан итиэннэ чилиэнинэн, ревизиялыыр-партийнай комиссиялар чилиэннэринэн, 1983 сылтан партийнай комиссия председателинэн талыллан үгүс общественнай үлэни ыыппыта.
  • Иван Иванович Саха биллиилээх мелодиha Христофор Максимов ырыаларын хомуурунньугун таhаартарбыта. Cуруйааччы драматург H.Туобулаахап рецензенинэн үлэлээбитэ. Комсомол обкомун сакааhынан элбэх, араас хабааннаах тематическай ыстатыйалары суруйбута. Саха Республикатын суруйааччыларын, искусство үлэhиттэрин ааттарын үйэтитиигэ элбэх үлэлэрдээх.
  • 1980 с. Культура учреждениеларын партийнай тэрилтэтин солбуйааччы секретарынан, 1987 сылтан сирэй секретарынан, эмиэ бу сылтан Чурапчы оройуонун народнай хонтуруолун чилиэнинэн талыллан үлэлээбитэ.
  • 1988-1991 “Мугудай” совхоз партийнай комитетын секретарынан ананан улэлээбитэ.
  • 1991-1994 с. “Уран тарбахтардаахтар” студияларын салайааччытынан айымньылаахтык үлэлээбитэ.

Кини ологун 3 оҕото, 8 сиэнэ салгыыллар.