Миронов Вениамин Павлович

Миронов Вениамин Павлович (1934.01.18 - 1989.10.17) — хоһоонньут. 1984 сылтан ССРС СС (Суруйааччылар Союзтарын) чилиэнэ.

Миронов Вениамин Павлович 1934 сыл тохсунньу 18 күнүгэр Өлүөхүмэ улууһугар Бастакы Ньөрүктээйи нэһилиэгэр Дабаан с. үөрэтээччи дьиэ кэргэнигэр төрөөбүтэ. Саха судаарыстыбаннай педагогическай институтун бүтэрбитэ. Булуҥ уонна Өлүөхүмэ улуустарыгар, Дьокуускайдааҕы анал оскуолаҕа ньуучча тылын уонна литературатын үөрэтээччитинэн, "Эдэр хомуньуус" хаһыакка уонна Гостелерадио литературнай салаатын редакторынан үлэлээбитэ.

Кини хоһоонноро аан маҥнай 1960 сыллаахха "Үргэл" диэн эдэр хоһоонньуттар хомуурунньуктарыгар бэчээттэммиттэрэ. "Саһаҕа" диэн бастакы кинигэтэ 1969 сыллаахха Сэмэн Данилов салайыытынан тахсыбыта. Өрөспүүбүлүкэтээҕи хаһыаттарга, "Хотугу сулус" сурунаалга уонна хомуурунньуктарга бэчээттэнэр этэ. Кини айар үлэтин сүрүн тиэмэтэ — үлэ, булчуттар, балыксыттар, табаһыттар, төрөөбүт айылҕатын туһунан элбэх хоһооннор.

А. Миронов хоһоонноро ньууччалыы тылынан "Полярная звезда", "Огонек", "Юность", "Молодая гвардия" сурунаалларга, "Истоки", "Поэзия", "Вдохновение" альманахтарга, "Литературная газета", "Литературная Россия" хаһыаттарага тахсыбыттара. 1983 сыллаахха "Современник" кинигэ кыһата "Созвездие Рыси" диэн ааттах хоһооннор хомуурунньугун таһаарбыта.

Кинигэлэр

• Cahaҕa. Хоhооннор. - Дьокуускай, 1969.
• Булчут кутаата. Хоhооннор. - Дьокуускай, 1982.
• Хаарга үүммүт сиибиктэ. Хоhооннор. - Дьокуускай, 1964.

Сигэлэр

• Миронов Вениамин Павлович Архыыптаммыт 2016, Кулун тутар 5 күнүгэр.