Рыкунов Николай Михайлович

Рыкунов Николай Михайлович (1936.11.23 - 1995.04.08) - хоһоонньут. 1985 сылтан ССРС СС (Суруйааччылар Союзтарын) чилиэнэ.

Нам улууһун Бастакы Хомустаах нэһилиэгэр 1936 сыллаахха сэтинньи 23 күнүгэр төрөөбүтэ. Оскуоланы бүтэрэн баран Сэбиэскэй Сэриигэ сулууспалыыр. 1959 сыллаахха Дьокуускайдааҕы педагогическай училищеҕа үөрэнэр, 1964 сыллаахха СГУ устуоруйа-тыл факультетын саха салаатын бүтэрэр. Мэҥэ Хаҥаласка Дьабыыл оскуолатыгар үөрэтээччинэн үлэлиир. 1965 сылтан Нам улуустааҕы хаһыатыгар үлэлиир, онтон редактор солбуйааччыта буолар, түмүгэр редактордыыр.

1995 сыллаахха муус устар 8 күнүгэр өлбүтэ.

Айар үлэтэ уларыт

Кини хоһоонноро аан маҥнай 1954 сыллаахха "Эдэр коммунист" хаһыакка тахсыбыттара. 1962 сыллаахха "Хатыҥ ырыата" диэн бастакы хомуурунньуга тахсар. Н. Рыкунов "Дьол сулуһа", "Кэбиһиилээх оттор", "Стойбище стихов" уо.д.а. хомуурунньуктар ааптара.

1982 сыллаахха "Лыжный след" диэн ньууччалыы тылынан хомуурунньуга тахсар (С. Кузнецова тылбааһа). Хоһоонньут БАМ туһунан хоһооннордоох, поэмалары да суруйара.

Кинигэлэр уларыт

  • Хатыҥ ырыата. Хоhооннор, поэма. - Дьокуускай, 1962.
  • Дьол сулуһа. Хоhооннор, поэмалар. - Дьокуускай, 1969.
  • Кэбиһиилээх оттор. Хоhооннор, поэмалар. - Дьокуускай, 1975.
  • Лыжный след. Стихи. / Пер.С.Кузнецовой. - Якутск, 1982.

Аатын үйэтитии уларыт

Нам улууһун бибилэтиэкэтэ бэйиэт аатын сүгэр.

Сигэлэр уларыт