Садыкова, Сара Гарифовна

Сара Садыкова (Сара Гарифовна Садыкова, тат. Sara Garif qizi Sadiyqova, Сара Гариф кызы Садыйкова; 1906 с.сэтинньи 1 күнүгэр Казань куоракка - 1986 с.бэс ыйын 7 күнүгэр Казань куоракка) - татаар композитора, актриса уонна ырыаһыт. Татаардартан бастакы композитор идэлээх дьахтар.

Казань киинигэр турар Парижскай Коммуна уулуссатын 18 нүөмэрдээх дьиэтигэр төрөөбүтэ. Төрөппүттэрэ: Гариф уонна Бибигайша Садыковтар, эһэтэ - Ахмадша(Бишбалта солобуодаҕа казань бириистэнигэр казначейынан үлэлээбитэ). Фатиха Аитова салайар, татаар дьахталларын биллиилээх гимназиятыгар үөрэммитэ, онтон, Казааннааҕы педагогика техникумун бүтэрбитэ. 1922-1928 сс.(сольнай ырыа кылааһын) уонна 1934-1938 сс.(татаар опернай студиятын)П.И.Чайковскай аатынан Москва куорат консерваториятыгвр үөрэммитэ. Учуутала - Цыбущенко Мария Григорьевна.

1930-1934 с.Казань куоракка, Татаар судаарыстыбаннай академическай тыйаатырын труппатыгар үлэлээбитэ. 1938-1948 сс. Татаар опера уонна балет тыйаатырыгар солистка. Сара Садыкова 18 испэктээххэ музыка суруйбута. 400 ырыалаах. "Песня любви" (1971), "Женихи"(1972) музыкальнай кэмиэдьийэлэри, Р.Г.Губайдуллины кытта бииргэ суруйбута. Тыйаатырга үлэлэрэ: Ахмед Файзи, Назиб Жиганов "Беглец"; Г.Альмухамедов, В.Виноградов, С.Габаши "Сания"; М.Файзи "Галиябану"; Карим Тинчурин, Салих Сайдашев "Башмачки", "Ильдар", " На реке Кандре"; Тази Гиззат, Салих Сайдашев "Наёмщик"; У.Гаджибеков "Аршин мал алан";

Наараадалара: уларыт

  • Татаар АССР үтүөлээх артыыската(1939),
  • Татаар АССР норуодунай артыыската(1977).
  • РСФСР ускуустубатын үтүөлээх диэйэтэлэ.
  • Татаар АССР Г.Тукай аатынан Судаарыстыбаннай бириэмийэ лауреата(1990 с.өлбүтүн кэннэ).

1997 с. ТӨ Миниистирдэрин кабинета, классик-композиторга Сара Садыковаҕа пааматынньык туруорарга быһаарбыта. Пааматынньык бэлэм эрээри (ааптар Рада Нигматуллина), туруорарга сөптөөх сир талылла илигинэн туруорулла илик. Бастакы кэргэнэ - Газиз Айдарскай, артыыс уонна режиссер. Иккис кэргэнэ - Юрий Станиславович Крещелюнас, музыкант. Кыыһа - Альфия Айдарская, балерина. ТӨ үтүөлээх артыыската. Сиэнэ - Вячеслав Геркулов, музыкант.

Сигэлэр уларыт

https://ru.m.wikipedia.org/wiki/%D0%A1%D0%B0%D0%B4%D1%8B%D0%BA%D0%BE%D0%B2%D0%B0,_%D0%A1%D0%B0%D1%80%D0%B0_%D0%93%D0%B0%D1%80%D0%B8%D1%84%D0%BE%D0%B2%D0%BD%D0%B0 https://kitaphane.tatarstan.ru/sad_1.htm Архыыптаммыт 2020, Муус устар 2 күнүгэр.