Старостин Егор Григорьевич

Старостин Егор Григорьевич - Саха Өрөспүүбүлүкэтин үөрэҕириитин туйгуна, Дьааҥы оройуонун бочуоттаах гражданина, Дьааҥы оройуонун Сартаҥ нэһилиэгин бастакы оскуолатын учуутала.

Олоҕун олуктараПравить

  • Старостин Егор Григорьевич Дьааҥы оройуонун Сартаҥ нэһилиэгин Сыһыы-Мэйиитэ учаастагар 1930 сыллаахха бэс ыйын 15 күнүгэр төрөөбүт.
  • 4 саастааҕар абаҕатыгар иитиллэ бэриллибит.
  • 1941 сылтан Эргэ Арыылаахха интернакка олорон үөрэммит.
  • 5-7 кылааска Дулҕалаахха, 8-10 кылааска Дьааҥы куоратыгар үөрэммит.
  • Оскуола кэнниттэн Дьокуускай куоракка учууталлары бэлэмниир үнүстүүккэ 2 сыл үөрэммит.
  • 1954 сылтан саҕалаан Сартаҥ орто оскуолатыгар 37 сыл саха тылын уонна литэрэтиирэтин учууталынан үлэлээбит. 12 сыл сельсовет исполкомун бэрэссэдээтэлин солбуйааччынан, 5 сыл дьаһалта кэмитиэтин бэрэссэдээтэлинэн, агитзона начальнигынан, кулууп иһинэн драмкружок салайааччытынан, 5 сыл ЛТО начальнигынан үлэлээбит.
  • Кэргэнэ Николаева Мария Васильевна. 5 оҕолоох.
  • 2009 сыллаахха төрөөбүт дойдутугар Дьааҥы оройуонун Сартаҥ нэһилиэгэр өлбүт.

Айар үлэтэПравить

Тахсыбыт үлэлэрэПравить

  • "Төрүттэрбит түөлбэлэрэ"/Баатаҕай: ГУП Верхоянская улусная типография, 2007
  • "Развитие творческих особенностей учащихся во внеурочное время", дакылаат
  • "Использование материалов краеведческого музея на уроках якутского языка и литературы", дакылаат

Үлэлэспит үлэтэПравить

П.А. Афанасьев "Говор Верхоянских якутов" научнай үлэтигэр Дьааҥы сахаларын тылларын лингвистическэй уратыларын хомуйан сиһилии үөрэтэргэ көмөлөспүт. "Юный киномеханик", "Библиофил и большой книголюб", "Краевед" куруһуоктары, "Сартаҥ кыымнара" юнкорпост тэрийбит.

Наҕараадалара уонна ытык ааттараПравить

1976 сыл ыам ыйын 15 күнүгэр Дьокуускай к. "Бэлэм буол" хаһыат редколлегиятыттан "Сартаҥ кыымнара" юнкорпост салайааччытын быһыытынан наҕараадаламмыт. "Кэскил", "Юность Севера" эрэдээктэрэ Н.И. Протопоповаттан оҕо хаһыатын көхтөөхтүк пропагандалаабытын иһин бочуоттаах грамотанан наҕараадаламмыт.

  • Дьааҥы оройуонун бочуоттаах гражданина
  • СӨ үөрэҕириитин туйгуна
  • Үлэ, тыыл бэтэрээнэ
  • САССР Үөрэх Министиэристибэтиттэн бочуоттаах грамота