Тимофеев Анисим
Тимофеев Анисим — саха норуотун дьоруойа Манчаары Баһылай Нерчинскэй хаатыргатыттан бииргэ күрээбит киһитэ.
Күрээн баран Өлүөхүмэҕэ тиийэн арахсаллар. Тимофеев дойдйтугар Сунтаарга барар, олоҕу-дьаһаҕы чүҥнуох, барыта үчүгэй буоллаҕына биллэриэх буолар. Ол гынан баран Манчаарыны ыҥырбат. Бу төрүөтүнэн Сунтаар бас кос дьоно Манчаарыны аҕалыма диэн боппуттара буолуо диэн сабаҕлааһын баар[1].
Бу киһи түрмэҕэ аан бастаан быраҕыллыбыт биричиинэтэ диэн маннык эбит. Кини төрөөбүт нэһилиэгэр Батыгыр Баһылай диэн киһи кэргэнин кытта көссүүлэһэр. Баһылай ону билэн аахсыбытыгар, Анисим кинини өлөрөн кэбиһэр. Онон Нерчинскэйгэ утаарыллар. Күрээн Сунтаарга кэлэн баран, эмиэ атын дьыаланы оҥорон, 1841 сыл балаҕан ыйыттан 1842 сыл ыам ыйыгар диэри Дьокуускай түрмэтигэр сытар. Ити кэмҥэ кинини Нерчинскэй хаатыргатыгар хаттаан ыытар туһунан суут уурааҕа тахсар. Ол эрээри хаатыргаҕа ыытыахтарын аҕыс күн иннинэ түрмэ балыыһатыгар сытан өлөр.
Быһаарыылар уларыт
- ↑ Омук сиригэр олохсуйбут сахалар / Иннокентий Неустроев. — Дьокуускай: Бичик, 2006. — 144 с. ISBN 5-7696-2475-2