Яковлев Василий Николаевич

Яковлев Василий Николаевич — Аҕа дойду Улуу сэриитин кыттыылааҕа.

Ньурба Омолдоон нэһилиэгэр 1910 сыллаахха төрөөбүтэ. 1938 ссыллаахха Ньурбаҕа холкуос оскуолатыгар үөрэммит, онтон дойдутугар тахсан ферма сэбиэдиссэйинэн үлэлээбит.

1941 сыллаахха Харыйалаах үрэҕин баһыгар оттуу сылдьан аармыйаҕа ыҥырыллан барбыт. Байыаннай үөрэҕи ааһан 206 3 с.п. ЗГМСП чааска түбэһэн Харьков хайысхатыгар 1941 сыл ахсынньы ыйыттан саҕалаан сэриилэспит. 1942 сыллаахха олунньу 9 күнүгэр утары кимэн киирии кэмигэр хаҥас өттүгэр бааһырбыт. Госпитальга эмтэнэн баран ыам ыйыгар сэриигэ иккиһин киирбит, атырдьах ыйын 24 күнүгэр иккиһин бааһырбыт, уҥа илиитигэр. Бу кэнниттэн эмтэнэн баран дойдутугар төннүбүт. Холкуоска, тутууга үлэлээбит.