Яковлев Николай Захарович

Яковлев Николай Захарович

I Тыыллыма нэһилиэгэр төрөөбүт. 1930 с. Аһыыкай орто оскуолатыгар үөрэнэр, 1934 с. 4 кылааһы бүтэрэн 1936 с. Майа оскуолатыгар үөрэнэр. 1937-1943 сс. Майаҕа сибээс хонтуоратыгар, сир салаатыгар, райстат управлениеҕа инспекторынан үлэлээбитэ. 1943 с. бэс ыйын 4 күнүгэр Аҕа дойду сэриитигэр ыҥырыллан барбыта. Улан-Удэ куоракка Зайонтуй диэн сиргэ 7-с ат депотугар сулууспалаабыта. 1944 с. 386-с стрелковай полкаҕа стрелок быһыытынан, онтон 1945 с. от ыйыгар дылы 982-с стрелковай полкаҕа автоматчигынан сулууспалаабыта. 1945 с. 982-с стрелковай полк састаабыгар сылдьан япон самурайдарын кыта кыргыһыыга кыттыбыта. 428-с конвойнай полкаҕа МВД чааһыгар сулууспалаабыта. 1946 с. ахсынньы 29 күнүгэр дойдутугар эргиллэн кэлбитэ.

ССКП чилиэнэ.

I Тыыллыма нэһилиэгин кулуубун сэбидиссэйэ, Молотов аатынан колзоз маҥнайгы сүһүөх партийнай тэрилтэтин секретара.

1951-1953 сс. Сталин аатынан колхоз босхоломмут комсомольскай тэрилтэтин секретара.

1953-1964 сс. I Тыыллыма нэһилиэгин сэбиэтин секретэрэ, исполком председателин солбуйааччы.

1964-1971 сс. I Тыыллыма нэһилиэгин сэбиэтин исполкомун председателэ.

I Тыыллыма нэһилиэгин сэбиэтигэр 9 төгүл депутат.

"Германияны Кыайыы иһин", "Японияны Кыайыы иһин", "1941-1945 сс. Аҕа дойду Улуу сэриитигэр килбиэннээх үлэтин иһин", В.И.Ленин төрөөбүтэ 100 сылынан "Үлэҕэ килбиэнин иһин" мэтээллэринэн наҕраадаламмыта.