АЯМ

Амыр-Саха сирэ тимир суол (нууч. Амуро-Якутская магистраль, кылгатан АЯМ) — Транссибы уонна БАМы Саха сирин кытта ситимниир тимир суол. Урут АЯМ диэн массыына суолун ааттыыллара, Улахан Невер диэн Транссиб станциятыттан Алын Бэстээххэ диэри. Бу трасса 2017 сыл ахсынньы 31 диэри "Өлүөнэ" диэн ааттааҕа уонна М-56 нүөмэрдээҕэ, кэлин А-360 диэн нүөмэр иҥэриллибитэ, "Өлүөнэ" диэн билигин да бэчээккэ эҥин элбэхтик туттуллар эрээри, докумуоҥҥа аатыттан сүппүтэ.

Устуоруйата

1985 сыл кулун тутар 7 күнүгэр ССРС совминын 216 нүөмэрдээх уурааҕынан "Беркакит — Томмот — Дьокуускай" тимир суола тутуллар буолбут. Бу докумуонунан тутуу болдьоҕо 1985-1995 сылларынан быһыллыбыт, хайыы-үйэ 1985 сыллаахха 25 мөл. солк. көрүллүөхтээҕэ ыйыллыбыт, Беркакит — Томмот учаастагын быстах үлэҕэ 1991 сылга диэри киллэрэри болдьообут.