Аббревиатура тылбааһа

Аббревиатура тылбааһа — кылгатыыны атын омук тылыгар тылбаастааһын.

Аббревиатура тылбааһыгар 3 ньыма туттуллар:

1. Бэйэтинэн хаалларыы.

2. Дорҕоонун сахатытыы.

3. Тылбаас.

1) Бэйэтинэн хаалларыы. Аббревиатура тылбааһын нуорбата бигэргэтиллэ илик, эбэтэр тылбааһа уустук, кыаллыбат буоллаҕына, уларыйбакка бэйэтинэн хаалар. Холобур: ЮНЕСКО, НАСА, НАТО, ГАИ, DVD.

2) Дорҕоонун сахатытыы. Бу ньымаҕа омук аббревиатурата иһиллиитинэн (дорҕооно) сахатытыллар. Манна уруккуттан олоҕуран хаалбыт үгэс быһыытынан сылдьар тыллар киирсэллэр: СААХСА (ЗАГС), ЭСИЭР (СР, ЭСЕР).

3) Тылбаас. Омук тылыттан киирэр аббревиатура хас биирдии тылын толору тылбаастааһын: ХИФУ, АХШ.