Алмаас суутрата

Алмаас суутрата, эбэтэр Ваджраччхедика Праджняпарамита сутра (санскр. वज्रच्छेदिका प्रज्ञापारमितासूत्र, Vajracchedikā-prajñāpāramitā-sūtra, «Чаҕылҕан курдук ньүдьү-балайы хайа охсор улуу билии туһунан суутра», нууч. Сутра о совершенной мудрости, рассекающей тьму невежества, как удар молнии, кыт. сдрг. 金剛[般若波罗蜜多]经, палл. Цзиньган [божэ поломидо] цзин) — «Праджняпарамита» циклын суутрата, махаяна буддизмын сүрүн тиэкиһэ, быһа барыллаан б. э. и. III үйэҕэ суруллубут, (IV үйэ иннинэ буолара чопчу биллэр). Санскрит тылынан суруллубут. Кытайдыы алта тылбааһа баар; Кумараджива тылбааһа аан дойдуга иккис эбэтэр бастакы бэчээттэммит кинигэ буолар (ксилография ньыматынан), 868 сыллаахха ыам ыйыгар тахсыбыт.

868 сыл ыам ыйыгар бэчээттэммит
Алмаас суутрата,
(Британия бибилэтикэтин архыыба). Кини уратытынан фронтиспиһигэр Будда уонна кинини тулалыыр сибэтиэйдэр, бодхисаттвалар, көтөр апсарылар уонна икки хахай ойууламмыттара буолар. Алтаар иннигэр параферналияны туппут Субхути манаах олорор, кини Буддаҕа ыйытыылары биэрэр, кинигэ тиэкиһэ ол хоруйдартан турар.