Амик
Амик — 1976 сыллахха Монреаль куоракка ыытыллыбыт Олимпия сайыҥҥы оонньууларын бигэргэтиллибит ымыыта.
Ымыыны хайдах талбыттара
уларытКанаада буобурата бу дойдуга аатырбыт клен сэбирдэҕиттэн итэҕэһэ суох бэлиэ кыыл буолар. Уһук хотугу сири аахсыбатахха Канаадаҕа бүтүннүү тарҕаммыт кыыл буолар. Бу кыыл Канаада 5 харчылаах (цент) манньыатыгар кытта баар. Канаада аан бастакы почта мааркатыгар эмиэ бу кыыл ойууламмыта уонна «Трёхпенсовый бобр» диэн ааттаммыта биллэр. XVI үйэттэн саҕалаан буобураны бултааһын бу дойдуга сүрүн дьарыктан биирдэстэрэ этэ[1]. Буобура дьиҥнээх спортмен хайдах буолуохтааҕын көрдөрөр: тулуурдаах, дьарыктаах, дьаныардаах[2].
Ымыы аата
уларытЫмыы аатын талыы эмиэ уратылаах. Амик диэн тыл алгонквин диэн Канаадаҕа ордук киэҥник тарҕаммыт төрүт олохтоох омук тылыттан үөскээбит. Бу тылынан эбит буоллаҕына, Амик диэн "буобура" диэн тылбаастанар. Маны таһынан, бу тылы өйдөөн хааларга уонна атын омук тылыгар тылбаастыырга судургу[2].
Өҥүн арааһа
уларытАмик буобура хара уонна ортотунан курдуу кыһыл өҥнөөх. Курдуу барар өҥ хас да араастаах буола сылдьыбыт эбит. Ол эрэн саамай киэҥник тарҕаммыта – 1976 сыллааҕы Олимпия сайыҥҥы оонньууларын сүрүн ымыыта буолбут кыһыл өҥ. Атын көрүҥэр кыһыл лиэнтэҕэ тиэрбэстэр суохтар. Үһүскэ курун өҥө кустук бары өҥүн хатылыыр эбит[3].
Интэриэһинэй чахчылар
уларытГенри Лонгфелло аатырбыт "Гайаваат туһунан ырыатыгар" буобуралар ыраахтааҕылара Амик диэн ааттаах. Маны таһынан, дьээбэ быһыытынан Буобура аллара диэки түһэр уһун кутуруга – уруһуйдуур киһи кумааҕыта тиийбэккэ аллара ыыппыт диэн баар.
- ↑ Книпович Н. М. Бобровый мех // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ 2,0 2,1 Бобр Амик Архыыптаммыт 2013, Муус устар 15 күнүгэр.
- ↑ Mascot_Montréal_1976